დევნილთა და განსახლების მინისტრი სოზარ სუბარი, ქვემო ქართლში სოფელ სამღერეთის საშუალო სკოლას ესტუმრა.

მინისტრმა მოსწავლეებს და მასწავლებლებს სასწავლო წლის დაწყება პირადად მიულოცა.

„სკოლებში დღეს საზეიმო განწყობაა: იწყება ახალი სასწავლო წელი, მინდა ყველა მოსწავლეს და მასწავლებელს ნაყოფიერი სასწავლო წელი ვუსურვო, ხოლო განათლებისა და მეცნიერების სამინისტროსა და ზოგადი განათლების მთელ სისტემას კი - წარმატებული რეფორმა“, - განაცხადა სოზარ სუბარმა. 

სამღერეთის საშუალო სკოლას 89 მოსწავლე ჰყავს, საიდანაც 75 ეკომიგრანტია. სოფელ სამღერეთში სულ 100 ეკომიგრანტი ოჯახი ცხოვრობს.

2015 წლის 28 აპრილს სოფელ სამღერეთში გაიხსნა და ექსპლუატაციაში შევიდა ახალი თანამედროვე სტანდარტების მქონე სკოლის შენობა, რომელიც აღჭურვილია თანამედროვე სპორტული დარბაზით, სამედიცინო კაბინეტით, სპეცკლასებით, ასევე ახალი სასკოლო ინვენტარით.

სკოლას ჰყავს 29 პედაგოგიდან 5 სერთიფიცირებული, ამათგან ორ პედაგოგს მოპოვებული აქვს ორი საგნის სერთიფიკატი და სწორედ ეს არის ნიშანი იმისა, რომ ბოლო ორი წლის განმავლობაში სკოლას ჰყავს ეროვნულ სასწავლო ოლიმპიადაში, კერძოდ ბიოლოგიაში ორგზის გამარჯვებული მოსწავლე ნიკა ირემაძე, ასევე სკოლას მნიშვნელოვანი წარმატებები და მიღწევები აქვს სხვადასხვა კონკურსებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით