საჯარო სკოლებში სასწავლო პროცესი დაიწყო. 

სასწავლო კვირების მინიმალურ რაოდენობად 34 კვირაა განსაზღვრული.  რაც შეეხება  კერძო სკოლებს, ისინი სწავლის დაწყების თარიღს თავად განსაზღვრავენ, თუმცა განათლებისა და მეცნიერების მინისტრის მოადგილის ლია გიგაურის განცხადებით, თუ გვიან დაიწყებენ სწავლას, დასრულებაც  გვიანვე მოუწევთ.

ამასთან, როგორც განათლების სამინისტროში აცხადებენ, გარკვეული ცვლილებები და სიახლეებია სასწავლო ნაწილში. მათ შორის, ეროვნულ სასწავლო გეგმაში, ასევე ინკლუზიური განათლების კუთხით.

სასწავლო წლის დაწყებას მოსწავლეებსა და პედაგოგებს განათლებისა და მეცნიერების მინისტრი თამარ სანიკიძე ულოცავს. მინისტრის მილოცვა განათლების სამინისტრომ გაავრცელა.

„ჩვენს ძვირფას პედაგოგებს, სკოლის ადმინისტრაციას, სასკოლო საზოგადოებას, ჩვენს მოსწავლეებს და განსაკუთრებით პირველ კლასელებს, ვულოცავ ახალი სასწავლო წლის დაწყებას. გისურვებთ, რომ ეს წელი ყოფილიყოს თქვენთვის ნაყოფიერი და ჩვენი მოსწავლეების ნიჭიერების გამოვლენის წელი.

მე მინდა განსაკუთრებით მივმართო ჩვენს ძვირფას პედაგოგებს და ვუთხრა, რომ ჩვენთვის ეს წელი არის მასწავლებლის წელი. ჩვენ ერთად დავიწყებთ წელს მუშაობას ახალი სისტემის ფარგლებში, სადაც დამერწმუნებთ, მოვახერხებთ ყველა იმ პრობლემის დაძლევას, რომელიც აქამდე გვქონია.

წარმატებულ წელს გისურვებთ და არ დაგავიწყდეთ, რომ  თქვენს გვერდით განათლებისა და მეცნიერების სამინისტრო და პირადად მე ვდგავარ“, - განაცხადა თამარ სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით