„დღეს პროკურატურა ცდილობს, რომ ადვოკატებს პირი ამოგვიკეროს და მათივე დაშვებულ შეცდომებზე ხელი მოგვაწერინონ“, - ამის შესახებ გიორგი შაქარაშვილის საქმეზე დაკავებული მორაგბეების ადვოკატმა, ალექსანდრე კობაიძემ განაცხადა.

მან აღნიშნა, რომ პროკურატურას არ გააჩნია ახალი გარემოებები და არც ახალი მასალები არ აქვთ.

„დღეს პროკურატურა ცდილობს, რომ ადვოკატებს პირი ამოგვიკეროს. რა თქმა უნდა, ამას არ შევეგუებით, ვაპირებთ, რომ ვიბრძოლოთ. მე ადრეც აღვნიშნე, რომ პროკურატურამ ომი გამოგვიცხადა. ახლა კი ცდილობს უსამართლო ომში უსამართლოდაც მოიქცეს.

ახალი მასალები არ აქვთ. არანაირი ახალი გარემოებები არ არსებობს და უნდათ მიგვიყვანონ მონურად და ხელი მოგვაწერინონ მათივე დაშვებულ შეცდომებზე. ამას ვერ მივართმევთ“, - განაცხადა ალექსანდრე კობაიძე.

ცნობისთვის, პროკურატურამ შაქარაშვილის საქმეზე დაკავებულების ადვოკატებს საქმის მასალები გადასცა და ისინი შაქარაშვილის საქმის მასალებისა და მონაცემების გამჟღავნების დაუშვებლობაზე გააფრთხილა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.