ადვოკატი - აბსურდია, რომ „ტოიოტა ქემრის“ მგზავრები მცხეთაში შაქარაშვილზე შურისძიებისა და ცემის მიზნით ჩავიდნენ

2020-08-12 12:35:38, 1106 ნახვა

სამართალი

შაქარაშვილის საქმეზე ერთ-ერთი დაკავებულის ადვოკატის, გიორგი გელხაურის განცხადებით, პროკურატურის ვერსია, რომ „ტოიოტა ქემრის“ მგზავრები იმიტომ ჩავიდნენ მცხეთაში, რომ შურისძიების მოტივით უნდოდათ შაქარაშვილის ნახვა და ცემა, აბსურდია.

მისი თქმით, გარდაცვლილი ფეხბურთელი კონფლიქტში მონაწილე მხარე არ ყოფილა, ამიტომ შაქარაშვილზე შურისძიების გამო მცხეთაში „ტოიოტა ქემრის“ მგზავრები არ ჩავიდოდნენ.

„ველოდებით საქმის მასალების ჩაბარებას. თუ არიან ახალი მოწმეები გამოკითხული ვნახავთ ამ მოწმეებსაც, ერთადერთი ის რომ პროკურატურა საუბრობს იმაზე, რომ „ტოიოტა ქემრის“ მგზავრები ჩავიდნენ იმიტომ რომ შაქარაშვილის ნახვა შურისძიების მოტივით უნდოდათ მისი ნახვა და ცემა, აბსურდია. შაქარაშვილს კონფლიქტში მონაწილეობა არ მიუღია, მას არ უჩხუბია ის კონფლიქტის მხარე არ ყოფილა“, - განაცხადა გელხაურმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან