ბიზნესსექტორის ერთ-ერთი მსხვილი წარმომადგენელი შპს ,,კავკასუს მეტალ ტერმინალი'' წარმოებით არეალსა და პარტნიორულ ურთიერთობებს აფართოებს.

ამ მიზნით, დაწყებულია ტერმინალის განვითარების გეგმის რეალიზაცია.

ფოთის მერიის ინფორმაციით, ტერიტორიაზე ამჟამად მიმდინარეობს ბეტონის საფარის დაგება, სამუშაოთა მეორე ეტაპი კი სასაწყობე შენობა-ნაგებობისა და ფართობის აგება-შემოღობვას ითვალისწინებს. დღეისათვის ტერმინალზე 150 ადამიანია დასაქმებული, რომელთა უმეტესობა ადგილობრივია. საწარმოს პერსპექტივასთან დაკავშირებით, ტერმინალის გაფართოების პროექტის პრეზენტაცია გაიმართა. გაფორმდა კონტრაქტი თურქულ კომპანია ,,კარდენისთან''. პროექტი ერთწლიანია და მომავალი წლის ბოლოს დასრულდება.

,,კავკასუს მეტალ ტერმინალის'' გაფართოების პროექტის პრეზენტაციას სამეგრელო-ზემო სვანეთის მხარის გუბერნატორი ლევან შონია, ფოთის მუნიციპალიტეტის მერი ირაკლი კაკულია, საკრებულოს თავმჯდომარე ალექსანდრე თოფურია და ბიზნესსექტორის წარმომადგენლები ესწრებოდნენ.

კავკასიური მეტალის ტერმინალი 2014 წელს გაიხსნა და მისი მშენებლობა შვეიცარული კომპანია „INDUSTRIAL MINERAL“-ის ინვესტირებით განხორციელდა. ტერმინალი თანამედროვე ტექნიკით არის აღჭურვილი და პოლიმეტალის კონცენტრატების გადამუშავება-ტრანსპორტირებას ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს