ხაბაროვსკის მხარის დროებითი გუბერნატორი, მიხაილ დეგტიარევი თვლის, რომ ხაბაროვსკში უცხოელი პროვოკტორები გამოჩნდნენ.

როგორც მან RTVI-თან ინტერვიუში განაცხადა, პროვოკატორების ნაწილი საქართველოდან არის ჩასული.

„ამ ყველაფერზე, მასობრიობაზე, რა თქმა უნდა, ყველა ცნობილი გამვლელი ჩაერთო, ვინც დაკავებულია აქციების ორგანიზებით, პროვოკაციებით, მათ შორის, არიან უცხოელები და კარგად ვიცით, რომ მათი ნაწილი საქართველოდანაა“, - აღნიშნა მან.

დაკავებული ექს-გუბერნატორის ადგილზე მოსულმა დეგტიარევმა, ადრეც გაამახვილა ყურადღება მხარეში უცხო ქვეყნების წარმომადგენლების ჩასვლაზე, რომლებიც მისი თქმით, შესაძლოა ქვეყანაში სიტუაციის დასამძიმებლად არიან ჩასულები.

ის თვლის, რომ თავდაპირველად მიტინგებს სტიქიური ხასიათი ჰქონდა, ახლა კი დემონსტრანტებს პროვოკატორები შეუერთდნენ.

ცნობისთვის, მასობრივი აქციები ხაბაროვსკში მას შემდეგ დაიწყო, რაც ექს-გუბერნატორი ფუგრალი, რომელიც ბიზნესმენის მკვლელობის ორგანიზებაში დაადანაშაულეს დააკავეს და მოსკოვში გადაიყვანეს. დემონსტრანტები ითხოვენ, რომ ექს-გუბერნატორის გასამართლება ხაბაროვსკში მოხდეს. ამასთანავე, ისინი უკმაყოფილებას გამოთქვამენ დანიშნული გუბერნატორის მიმართ და მის წინააღმდეგაც გამოდიან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო