ფრაქცია „ნაციონალური მოძრაობის“ თავმჯდომარის მოადგილის, სალომე სამადაშვილის განცხადებით, გიორგი რურუას ბევრად ნაკლები დრო დარჩა ციხეში გასატარებლად, ვიდრე აქამდე გაატარა, რადგან ოქტომბერში ხელისუფლება შეიცვლება.

როგორც მან აღნიშნა, დღევანდელმა გადაწყვეტილებამ კიდევ ერთხელ დაამტკიცა, რომ ქვეყანაში სასამართლო ხელისუფლება აღარ არსებობს.

„ჩვენ ვხედავთ, რომ ქვეყანაში სასამართლო ხელისუფლება აღარ არსებობს. ეს კიდევ ერთხელ დამტკიცდა აქ. ბიძინა ივანიშვილს ძალიან მძიმედ დაუჯდება ეს გადაწყვეტილება საერთაშორისო ასპარეზზე. მინდა ვთქვა, რომ გიორგი რურუას ბევრად ნაკლები დრო დარჩა ციხეში გასატარებლად, ვიდრე აქამდე გაატარა. ნოემბრიდან ზის ციხეში, ოქტომბერში ჩვენს ქვეყანაში აუცილებლად შეიცვლება ხელისუფლება. ჩვენ შევქმნით ისეთ პოლიტიკურ გარემოს ქვეყანაში, სადაც პოლიტიკური პატიმრები აღარ იქნებიან და გიორგი რურუა, რა თქმა უნდა, საპარტიმროს დატოვებს სულ რამდენიმე თვეში, მაგრამ ძალიან დამაზიანებელია ჩვენი სახელმწიფოსთვის და საზოგადოებისთვის ის, რაც მოხდა დღეს აქ. ჩვენ კიდევ ერთხელ ვნახეთ, რომ უბრალოდ სასამართლო როგორც ასეთი, ქვეყანას არ აქვს და ყველა სახელმწიფო ინსტიტუტი მიტაცებული აქვს რუსულ ოლიგარქიულ რეჟიმს, რომელზეც გვაფრთხილებენ ჩვენი მეგობრები კონგრესში, სენატში და ევროპარლამენტში. ქართველმა ხალხმა ეს ყველაფერი ერთად უნდა დაასრულოს სამართლიანი და თავისუფალი არჩევნების გზით რამდენიმე თვეში. ეს არის ის რეალობა, რომელიც ჩვენს წინაშეა“, - განაცხადა სალომე სამადაშვილმა.

ცნობისთვის, „მთავარი არხის“ ერთ-ერთი მეწილე გიორგი რურუა სასამართლომ დამნაშავედ ცნო და მას თავისუფლების აღკვეთა 4 წლის ვადით შეუფარდა.

ავტორი: ექსპრესნიუსი,

სოციალური ქსელები

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო