ჩვენ არ გვინდა ვიცხოვროთ ქვეყანაში, რომელსაც ეძახიან რუსეთის ოლიგარქიის სივრცეს,- ასე გამოეხმაურა „ევროპული საქართველოს“ წევრი, ელენე ხოშტარია ამერიკელი კონგრესმენების მიერ მაიკ პომპეოსთვის გაგზავნილ წერილს, სადაც ხაზგასმულია, რომ „რუსი ოლიგარქის, ბიძინა ივანიშვილის ხელისუფლებაში მოსვლის შემდეგ, ქვეყანაში პროგრესი შეჩერდა“.

მისი თქმით, სწორედ ამისთვის არის არჩევნები, რომ ბევრად უფრო დაბალანსებული ხელისუფლება მოვიდეს სათავეში.

„სამწუხაროა, რომ საქართველომ ბოლო პერიოდში თავი გაითქვა სწორედ რუსეთის ოლიგარქით, კანონის დარღვევით, პოლიტიკური დევნით, დემოკრატიის ზიანით, ბიზნესის დაჩაგვრით, ეს არის სიტყვები, რომლებიც უკვე ჩვეულებრივი გახდა საერთაშორისო მოხმარებაში. გვესმის ხან სენატორებისგან, ხან კონგრესმენებისგან, ევროპარლამენტარებისგან, ეს არის მოცემული რეალობა, რაც აზიანებს ქვეყანას, მაგრამ თუ ჩვენ არ გვინდა ვიცხოვროთ ქვეყანაში, რომელსაც ეძახიან რუსეთის ოლიგარქიის სივრცეს, სწორედ ამისთვის არის არჩევნები, სადაც ჩვენ გვაქვს საშუალება, რომ ავირჩიოთ ბევრად უფრო დაბალანსებული ხელისუფლება“, - განაცხადა ელენე ხოშტარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა