ჩოხატაურის მუნიციპალიტეტის სოფელ ხიდისთავში, სახელმწიფო სერვისების განვითარების სააგენტოს საზოგადოებრივ ცენტრში ლიტერატურული კონკურსი გაიმართა.

ღონისძიებას  ნოდარ დუმბაძის სახელობის ბიბლიოთეკა მასპინძლობდა და მასში სხვადასხვა ასაკის სკოლის მოსწავლეები მონაწილეობდნენ.

„ჩემი სოფელი ათი წლის შემდეგ,“ ასე ერქვა თემას, რომელიც ჟიურიმ კონკურსის მონაწილეებს წარუდგინა. ორი საათის განმავლობაში ხიდისთაველი მოზარდები ცდილობდნენ ფურცელზე გადმოეტანათ ყველა ის სატკივარი, რაც არამხოლოდ მათ, ზოგადად მოსახლეობას აწუხებს.

ჟიურიმ ნოდარ დუმბაძის ქალიშვილის ქეთევან დუმბაძის, მწერალ მარიამ წიკლაურის და ეროვნული ბიბლიოთეკის დირექტორის გიორგი კეკელიძის შემადგენლობით ერთხმად გამოხატა აღფრთოვანება კონკურსის მონაწილეების რეალისტური ხედვის და მწერლური უნარების გამო. მათივე თქმით, ბავშვების ნაწერებში სამოქალაქო აზროვნების განვითარების პროცესი იგრძნობა. სწორედ ეს არის სახელმწიფო სერვისების განვითარების სააგენტოს მიერ აღნიშნული ტიპის ღონისძიებების გამართვის მიზანიც, გაზარდოს ბიბლიოთეკების, საზოგადოებრივი ცენტრების ცნობადობა და ახალგაზრდებს უბიძგოს თავის მხრივ საინტერესო პროექტების შექმნისა და განხორციელებისკენ.

კონკურსში გამარჯვებულები ციფრული ფოტოაპარატებით და ტექნიკის და საკანცელარიო მაღაზიების ვაუჩერებით დასაჩუქრდნენ. ასევე საჩუქრები გადაეცა კონკურსის ყველა მონაწილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით