ბრძოლას გავაგრძელებს, რადგან არავის შევარჩენთ მიხეილ კალანდიას 11 წლით და 3 თვით ციხეში გაშვებას, - ამის შესახებ დავით სარალიძის განზრახ ჯგუფურად მკვლელობაში მსჯავრდებულ მიხეილ კალანდიას ძმამ, ლუკა კალანდიამ ჟურნალისტებთან საუბრისას განაცხადა.

როგორც კალანდიამ აღნიშნა, განაჩენი, რომელიც თბილისის სააპელაციო სასამართლომ მიიღო მოულოდნელი არ ყოფილა.

მისი განცხადებით, აღნიშნული გადაწყვეტილება წინასაარჩევნო პერიოდთანაა დაკავშირებული.

„ჩვენ უბრალოდ გავაგრძელებთ ბრძოლას, რადგან არავინ არ ვაპირებთ დანენებას და გაჩერებას, არავის არ შევარჩენთ მიხეილ კალანდიას 11 წლით და 3 თვით ციხეში გაშვებას, რადგან უდანაშაულო ადამიანის ადგილი ციხეში არ არის. არჩევნები მოდის და არავის არ ჭირდება ზედმეტი ხმაური და რაღაც გაუგებრობა წინაპოლიტიკურ სცენაზე. ასე რომ, ეს განაჩენი მოსალოდნელიც იყო“, - განაცხადა ლუკა კალანდიამ.

ცნობისთვის, მიხეილ კალანდიას საქმეზე თბილისის სააპელაციო სასამართლომ საქალაქო სასამართლოს განაჩენი ძალაში დატოვა და მიხეილ კალანდიას 11 წლით და 3 თვით პატიმრობა შეეფარდა.

შეგახსენებთ, რომ მიხეილ კალანდია 2019 წლის 4 ივნისს, დავით სარალიძის ჯგუფურად დამამძიმებელ გარემოებებში ჩადენილი განზრახ მკვლელობის ბრალდებით დააკავეს. კალანდია საქალაქო სასამართლომ დამნაშავედ ცნო. მას 15 წლით თავისუფლების აღკვეთა შეუფარდდა, მაგრამ არასრულწლოვანთა მართლმსაჯულების კოდექსის თანახმად, სასჯელი ერთი მესამედით შეუმცირდა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.