ზუგდიდის მუნიციპალიტეტის გამგეობამ ცაცხვის ადმინისტრაციულ ერთეულში მცხოვრებ შუახნის ქალბატონს, ალბინა ქარჩავას ძვირადღირებული მედიკამენტები შეუძინა.

გამგეობის ინფორმაციით, ალბინა ქარჩავა ქრონიკული ასთმითაა დაავადებული და მუდმივად საჭიროებს ძვირადღირებული მედიკამენტების მიღებას.

მუნიციპალიტეტის გამგებლის წარმომადგენელმა ცაცხვის ადმინისტრაციულ ერთეულში ნონა ესებუამ ბენეფიციარს პირადად გადასცა 250 ლარის ღირებულების მედიკამენტები და გამოჯანმრთელება უსურვა.

„ქარჩავების ოჯახი მძიმე საყოფაცხოვრებო პირობების მიუხედავად სოციალურად დაუცველთა ბაზაში არ ირიცხება. ოჯახის უფროსი მეორე ჯგუფის ინვალიდია. მუნიციპალიტეტის გამგეობა ოჯახს სოციალური მომსახურების სააგენტოსთან უშუამდგომლებს, რათა შესწავლილ იქნეს ოჯახის საყოფაცხოვრებო პირობები.

ზუგდიდის მუნიციპალიტეტის გამგეობაში სამედიცინო მომსახურეობა და ძვირადღირებული მედიკამენტებით დაფინანსების პროგრამით სარგებლობა ადგილობრივ და დევნილ მოსახლეობას შეუძლიათ, რომლებიც არ შედიან სიღარიბის ზღვარს ქვემოთ მყოფ მოქალაქეთა კატეგორიაში და არ აქვთ სადაზღვევო კომპანიის პოლისი, ასევე ვრცელდება იმ მოქალაქეებზე, რომლებსაც გააჩნიათ სამედიცინო დაზღვევა, მაგრამ მათთვის საჭირო სამედიცინო მომსახურეობა არ შედის სადაზღვევო პაკეტში.

ბენეფიციარები რომლებიც საჭიროებენ სამედიცინო მომსახურეობას, მუნიციპალიტეტის გამგეობას უნდა წარუდგინონ ფორმა ასი, პირადობის მოწმობის ასლი და კალკულაცია კონკრეტულ მედიკამენტზე თუ სამედიცინო მომსახურეობაზე“, - აცხადებენ ზუგდიდის გამგეობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს