2020-07-13 14:12:13, 2578 ნახვა

---

ნინო ლომჯარია - არ გამოვრიცხავ, რომ მივმართოთ პროკურატურას, რათა შაქარაშვილის საქმის მასალებზე წვდომა მოგვეცეს

„არ გამოვრიცხავ  რომ მივმართოთ პროკურატურას, რომ მოგვცეს საშუალება წვდომა გვქონდეს მიმდინარე საქმის მასალებზე“, - ამის შესახებ სახალხო დამცველმა ნინო ლომჯარიამ განაცხადა.

მისი თქმით, სახალხო დამცველი გეგმავს შაქარაშვილის ოჯახის წევრებთან შეხვედრას.

„გამოძიებასთან დაკავშირებით ბევრი კითხვაა. თვალს ვადევნებთ მედიაში მიმდინარე მოვლენებს. სახალხო დამცველი ხვდება და ამ დღეებში დაასრულებს ყველა ბრალდებულის მონახულებას. ასევე, ვაპირებ შაქარაშვილის  ოჯახის წევრებთან შეხვედრას. მათგან მოვისმენ რა კითხვები აქვთ გამოძიებასთან, რაში სჭირდებათ სახალხო დამცველი ს ჩართულობა. არ გამოვრიცხავ,  რომ მივმართოთ პროკურატურას, რომ მოგვცეს საშუალება წვდომა გვქონდეს მიმდინარე საქმის მასალებზე და შევისწავლოთ რამდენად ეფექტურად მიმდინარეობს სიცოცხლის მოსპობის საქმეზე გამოძიება“, - განაცხადა ლომჯარიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი