ბათუმში სასაზღვრო პოლიციის მცურავი საშუალებების ბაზირების პუნქტის ნავმისადგომი გაიხსნა.

როგორც პრემიერ-მინისტრმა ირაკლი ღარიბაშვილმა სიტყვით გამოსვლისას განაცხადა, სახელმწიფო რომელიც არ ზრუნავს საკუთარი საზღვრის გაძლიერებაზე, საკუთარ  მესაზღვრეებზე, საუბარი, რომ თანამედროვე სახელმწიფოს მშენებლობაზე მიდის ზრუნვა,  ზედმეტია.

მისივე თქმით, ყველაფერს გააკეთებენ, რომ სტანდარტები, რომლებიც წამყვან საზღვაო სახელმწიფოებშია დამკვიდრებული,  საქართველოში დაინერგოს.

"ამერიკის მთავრობა მხარში გვიდგას, რომ საქართველოს სანაპირო დაცვა იყოს ისეთი, როგორიც ჩვენ გვეკადრება, ისეთი, როგორიც აქვს წამყვან საზღვაო სახელმწიფოებს. ვაკეთებთ ყველაფერს იმისათვის, რომ ის სტანდარტები, რომელიც დამკვიდრებულია წამყვან საზღვაო სახელმწიფოებში, გადმოვიტანოთ, დავნერგოთ საქართველოში. ჩვენ ამერიკა გვეხმარება იმისათვის, რომ მომზადდეს კადრები, მოეწყოს შესაბამისი ინფრასტრუქტურა.მოხდეს ტექნიკური აღჭურვა და ა.შ. მინდა, გავიხსენო, რომ 2013 წლის 2 აპრილს ბატონმა რიჩარდ ნორლანდმა და მე საძირკველი  ჩავუყარეთ ერთობლივი საზღვაო ოპერაციების მართვის ცენტრის მშენებლობას, რომელიც დღეს უკვე გამართული და თანამედროვე ცენტრია და მნიშვნელოვან როლს ასრულებს ჩვენი სახელმწიფოს საზღვრის დაცვის სუბიექტების და სასაზღვრო რეჟიმის განმახორციელებელი სამსახურების  კოორდინირებულ საქმიანობაში.სახელმწიფო, რომელიც არ ზრუნავს საკუთარი საზღვრის გაძლიერებაზე, საკუთარ  მესაზღვრეებზე, იქ საუბარი იმაზე, რომ თანამედროვე სახელმწიფოს მშენებლობაზე მიდის ზრუნვა, არის ზედმეტი. ჩვენ ამის მომსწრენი ვიყავით სულ რაღაც სამი წლის წინ. წინა მთავრობის დროს მთელი სანაპირო დაცვა იყო აბსოლუტრად იგნორირებული.მხოლოდ აშშ-ის მთავრობის დახმარება გვქონდა ჩვენ. 100-ზე მეტი მცურავი საშუალება, გემები იქნა გასხვისებული, რაც დანაშაულია. დღეს გვსურს შევქმნათ ძლიერი საზღვაო ფლოტი და სანაპირო დაცვა გახდეს თანამედროვე, მოდერნიზებული.

გვჯერა,  სანაპირო დაცვის სამსახურის განვითარება და საზღვაო უსაფრთხოების უზრუნველყოფა,  მნიშვნელოვნად გააუმჯობესებს სტრატეგიული სატრანსპოტო  და ენერგეტიკული პროექტების განხორციელებას ჩვენი ქვეყნის გავლით",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით