კონკურსი „ჩემი თბილისობა“ დასკვნით ფაზაში შედის.

დედაქალაქის მერიის ინფორმაციით, 21 პროექტიდან კომისიის წევრებმა სამი საუკეთესო კონცეფცია შეარჩიეს. ხმათა უმრავლებსობა ნინო ლელაშვილის, პაატა ციკოლიასა და „სტუდია 1 2 3“-ის კონცეფციებმა დაიმსახურეს.  საუკეთესო კონცეფციის გამოსავლენად ხმის მიცემა დაიწყო.

როგორც მერიაში აცხადებენ, დღეიდან მოქალაქეებს შესაძლებლობა აქვთ ონლაინ ხმის მიცემის საფუძველზე განსაზღვრონ გამარჯვებულთა რიგითობა. იმ პროექტს, რომელიც მიიღებს ხმათა უმრავლესობას, საბოლოო გადაწყვეტილების მიღების პროცესში, დაემატება ხალხის ერთი ხმა. 

კონკურსი „ჩემი თბილისობა“ 5 აგვისტოს გამოცხადდა. დაინტერესებულ პირებს განაცხადების შეტანა თბილისის მერიაში 18 აგვისტოს ჩათვლით შეეძლოთ. საკონკურსო კომისია დაკომპლექტებულია მერიისა და საკრებულოს წარმომადგენლებით. კომისიამ გამოავლინა 3 საუკეთესო კონცეფცია, ხმის მიცემის შემდეგ კი საბოლოოდ განისაზღვრება გამარჯვებულთა რიგითობა. პირველ ადგილზე გასული კონცეფციის ავტორი 14 000 ლარით, მეორე ადგილზე გასული 9 000 ლარით, ხოლო მესამე ადგილზე გასული 7 000 ლარით დაჯილდოვდება.

კონკურსი „ჩემი თბილისობა“ საშუალებას აძლევს თითოეულ მოქალაქეს საკუთარი მოსაზრებებით, იდეებით წვლილი შეიტანოს და აქტიურად ჩაერთოს თბილისობის დღესასწაულის დაგეგმვაში.

ონლაინ რეჟიმში ხმის მიცემა 8 სექტემბერს 12 საათზე დასრულდება.

სასურველი პროექტისთვის ხმის მიცემა შესაძლებელია თბილისის მერიის ვებ გვერდზე: www.tbilisi.gov.ge

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით