საარჩევნო სიაში მე ვიქნები ბოლო ნომერი,  - ამის შესახებ პრემიერ-მინისტრმა გიორგი გახარიამ, ჟურნალისტებთან საუბრისას განაცხადა.

პრემიერის თქმით, დღეს მთავრობას არ აქვს დრო იმსჯელოს საარჩევნო სიაზე, რადგან ძირითად ამოცანად რჩება კვლავ პანდემია.

„რამოდენიმეჯერ ვთქვი და კიდევ ერთხელ გავიმეორებ, დავიწყებ ბოლოდან, მე ვიქნები ბოლო ნომერი საარჩევნო სიაში. არანაირი მნიშვნელობა არ აქვს ჩემთვის, რომელი ნომერი ვიქნები, გულწრფელად გეუბნებით. ჩემი ძირითადი ამოცანა დღეს არის, პირველ რიგში პანდემია, ის რომ მაქსიმალურად ვაკონტროლოთ ჯანმრთელობის რისჯები, მეორე ამოცანაა, ეკონომიკური აღორძინება პოსტპანდემიურ პერიოდში და მთავარი ამოცანაა, რომ მინიმალური ზიანი მიადგეს თითოეულ ქართულ ოახს და მესამე ამოცანაა, ამ ორი კრიზისი პირობებში წყნარად, მშვიდად, დემოკრატიულად და ღიად ჩავატაროთ არჩევნები. როგორ ფიქრობთ, ამ სამი უდიდესი გამოწვევის პირობებში ან მე, ან რომელიმე მთავრობის წევრს აქვს დრო, რომ ვიმსჯელოთ და დისკუსიები გავმართოთ, ვინ იქნება საარჩევნო სიაში პირველი და ვინ ბოლო? კიდევ ერთხელ გეტყვით, სიაში ვინ რომელი იქნება ამას კი არ აქვს მნიშვნელობა, ან რომელი პარტია უფრო მეტ ხმას მიიღებს, მთავარია რომ ქვეყანა ყველამ ერთად, ოპოზიციამ, მმართველმა ძალამ, ყველამ ერთად ჩავატაროთ სანიმუშაო არჩევნები“, - განაცხადა პრემიერ-მინისტრმა.

ავტორი: თეონა დორეული, ექსპრესნიუსის რეპორტიორი 2018 წლიდან

სოციალური ქსელები

პატრუშევმა დავალება გასცა, დაარწმუნონ საქართველოს ხელმძღვანელობა, ყველანაირი საშუალების გამოყენებით დაშალოს დემონსტრანტები

ოხანაშვილი - საინტერესოა, რამდენად ჯდება დემოკრატიულ სტანდარტში, როდესაც ხდება მოწოდება, „მე ვისროლე მოლოტოვის კოქტეილი“ კონკრეტული ორგანიზაციების სახელით

ომბუდსმენის აპარატი - იზოლატორში მყოფთაგან ერთი პირი მიუთითებდა არასათანადო მოპყრობაზე - აღენიშნებოდა დაზიანებაც

შსს - პოლიციამ ხელწერილით გაათავისუფლა აქციაზე დაკავებული 4 პირი, ხოლო 10 იზოლატორშია გადაყვანილი