ახალი წლის დღეებში, თბილისის დამწვრობის ცენტრს, პიროტექნიკისგან მიღებული დამწვრობების გამო,  სულ 60-მა პაციენტმა მიმართა, მათ შორის ერთი, 23 წლის მამაკაცი, ამ დრომდე რეანიმაციულ განყოფილებაში რჩება.

ამის შესახებ „ექსპრესნიუსს“ დამწვრობის ცენტრის ხელმძღვანელმა გუგა ქაშიბაძემ განუცხადა.

მისივე თქმით,  რეანიმაციულ განყოფილებაში მყოფი მამაკაცი  საახალწლო ასაფეთქებელს თავად ამზადებდა, რა დროსაც, ხელში აუფეთქდა.

„ახალი წლის პერიოდში სულ 60-მა პაციენტმა მოგვმართა და აქედან დიდი უმრავლესობა ამბოლატორიული პაციენტი იყო. ამ 60 ადამიანიდან, ნახევარი ბავშვი იყო, ნახევარი კი- მოზრდილი. აქედან ყველაზე მძიმე პაციენტი ამ წუთებშიც რეანიმაციულ განყოფილებაში წევს. ის 23 წლისაა და მან საახალწლოდ გადაწყვიტა, საკუთარი შემოქმედებით სხვადასხვა ნივთიერებით ასაფეთქებელი შეექმნა, რომელიც კრახით დასრულდა  და ხელში აუფეთქდა. ყველაზე პატარა პაციენტი  2 წლის, ხოლო ყველაზე ხანდაზმული 84 წლის იყო. აღნიშნულ 2 წლის ბავშვს მისმა დედმამიშვილმა შემთხვევით საახალწლო ასაფეთქებელი მოარტყა.  მისი მდგომარეობა ამ დროისთვის დამაკმაყოფილებელია და ის უკვე სახლშია გაწერილი“, - განუცხადა „ექსპრესნიუსს“ გუგა ქაშიბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა