აჭარის ჯანდაცვის სამინისტროს ინიციატივით ნინოწმინდაში სამედიცინო აქცია ჩატარდა

2015-08-25 11:54:48, 655 ნახვა

საზოგადოება

23 აგვისტოს, აჭარის ა/რ ჯანმრთელობისა და სოციალური დაცვის სამინისტროს ინიციატივითა და ორგანიზებით ნინოწმინდის მუნიციპალიტეტში ეკომიგრანტი და ადგილობრივი მოსახეობისათვის ჩატარდა უფასო სამედიცინო აქცია.

როგოგრც „ექსპრესნიუსს“ აჭარის ჯანდაცვის სამინისტროდან აცნობეს, მოსახლეობას სამედიცინო მომსახურება გაუწია "ქ. ბათუმის N1 პოლიკლინიკის" თერთმეტმა სხვადსხვა პროფილის ექიმმა. ჩატარდა უფასო კონსულტაციები და სამედიცინო კვლევები. სამედიცინო მომსახურება გაეწია 150-ზე მეტ პაციენტს.
აქციის ფარგლებში ქ. ნონოწმინდას ეწვივნენ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და აჭრის ა/რ ჯანმრთელობისა და სოციალური დაცვის მინისტრის მოადგილე რამაზ ჯინჭარაძე.

მათივე ინფორმაციით, მთავრობის წარმომამდგენლები ნინოწმინდის მუნიციპალიტეტში მცხოვრებ ეკომიგრანტ ოჯახებს შეხვდნენ და 2015 წლის 18 მაისს საქართველოს მთავრობის N996 განკარგულებით დამტკიცებული პროექტის „სტიქიური მოვლენების შედეგად დაზარალებული ოჯახების ფაქტობრივ სარგებლობაში არსებული უძრავი ნივთის საკუთრებაში გადაცემის მიზნით მოსამზადებელი სამუშაოების განხორციელების თაობაზე“ ფარგლებში მიმდინარე სამუშაოები დაათვალიერეს. ნინოწმინდის მუნიციპალიტეტში, ამ პროექტის ფარგლებში 91, ხოლო საქართველოს მასშტაბით 1 200 ეკომიგრანტ ოჯახს დაუკანონდებათ საცხოვრებელი სახლი და მიწის ნაკვეთი.

ნინოწმინდაში მედიკოსთა ტრანსპორტიტება უზრუნველყო სატრანსპორტო კომპანია „მეტრო ჯორჯია“-მ.