სერგი კაპანაძე - რადგან რუსეთში კორონავირუსით ინფიცირებულების რაოდენობა დრამატულად გაიზარდა, მტრების ძებნა დაიწყეს

2020-05-27 17:46:28, 1292 ნახვა

კომენტარი

რადგან რუსეთში კორონავირუსით დაავადებული ადამიანების რაოდენობა დრამატულად გაიზარდა, ახლა დაიწყეს მტრების ძებნა, - ასე გამოეხმაურა „ევროპული საქართველოს“ ერთ-ერთი წევრი სერგი კაპანაძე რუსეთის საგარეო უწყების განცხადებას, რომლითაც ლუგარის ლაბორატორიაში რუსი ექსპერტების დაშვებას ითხოვს.

დეპუტატის განცხადებით, რუსეთიდან და სხვა ქვეყნებიდან ყველანი კარგად არიან ინფორმირებულნი იმაზე, რაც რეალურად ხდება ლუგარში.

„ეს არის კლასიკური, მავნებლური კრემლის პროპაგანდა, რომლებმაც, როგორც ჩანს, რადგან ახლა კორონავირუსით დაავადებული ადამიანების რაოდენობა დრამატულად გაიზარდა და ჩვენ ვხედავთ, რომ ვერ ართმევს თავს რუსეთის სახელმწიფო, მათ შორის, იმის გამოც, რომ მალავდა. ახლა, როგორც ჩანს, დაიწყეს მტრების ძებნა. ჩვენ ბევრჯერ მიგვიღია სტუმრები რუსეთიდან და სხვა ქვეყნებიდან და ისინი ყველანი კარგად არიან ინფორმირებული იმაზე, რეალურად რა ხდება ლუგარში,"- განაცხადა სერგი კაპანაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან