პრემიერი - შემდეგი 3-4 თვე უნდა გამოვიყენოთ იმისთვის, რომ თუ კოვიდ19-ის მეორე ტალღა იქნება, შეზღუდვების გარეშე ვმართოთ სიტუაცია

2020-05-27 17:35:53, 1265 ნახვა

კომენტარი

შემდეგი 3-4 თვე უნდა გამოვიყენოთ იმისთვის, რომ თუ კოვიდ19-ის მეორე ტალღა იქნება, შეზღუდვების გარეშე ვმართოთ სიტუაცია, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, ჯანდაცვის სისტემა უნდა იყოს ორი რაღაცისთვის მზად - სწრაფად გამოავლინოს ინფიცირების კერა და გამოვლენის შემდგომ სწრაფად უმკურნალოს მათ.

„დღეს ქვეყნის ძირითადი ამოცანა ყველას უნდა გვესმოდეს და ეს მინდა პირველ რიგში ჩვენს მოქალაქეებს ვუთხრა რომ მთავრობის და ხელისუფლების ძირითადი ამოცანა გახლავთ, რომ ეს სამი-ოთხი თვე გამოვიყენოთ იმისთვის, რომ მაქსიმალურად მოვამზადოთ ჯანდაცვის სიტემა, სოციალური სისტემა იმისთვის, რომ იმ შემთხვევაში თუ მეორე ტალღა იქნება ადრეულ ან გვიან შემოდგომას ჩვენ შევძლოთ ამ შეზღუდვების გარეშე ვმართოთ სიტუაცია. ჯანდაცვის სისტემა უნდა იყოს ორი რაღაცისთვის მზად - სწრაფად გამოავლინოს ინფიცირების კერა და ამისთვის იქნება ეს ლაბორატორიების ქსელი და გამოვლენის შემდგომ სწრაფად უმკურნალოს და ნორმალურ ცხოვრებას დაუბრუნოს ეს ადამიანები“, - განაცხადა გიორგი გახარიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან