შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, ბიზნესის გარკვეული  ნაწილის მოლოდინები, რომ შრომის ინსპექტირების სამსახურის ამოქმედება მათ საქმიანობას  გაუძვირდებდა არ დადასტურდა.
დავით სერგეენკომ შრომის ინსპექტირების საკითხზე დღევანდელ პრესკონფერენციაზე ისაუბრა. 
მისი თქმით, მონიტორინგი უკვე განხორციელდა 31 სახელმწიფო და კერძო კომპანიაში. 
„გადამზადდა 25 შრომის ინსპექტორი. ბიზნესის გარკვეული  ნაწილის მოლოდინები, რომ შრომის ინსპექტირების სამსახურის ამოქმედება მათ მძიმე დარტყმას მიაყენებდა და საქმიანობას  გაუძვირებდა საბედნიეროდ  არ დადასტურდა. 31 სახელმწიფო და კერძო დაწესებულებაში ჩატარდა ინსპექტირება. აღმოჩენილი იქნა, ის რაც მოსალოდნელი იყო. მარტივად მოგვარებადი ხარვეზები. შეიძლება ითქვას, რომ შრომის ინსპექტირების სამსახური ფუნქციონირების დასაწყისი წარმატებულია. მადლობა იმ 31 კომპანიის წარმომადგენელს, რომ აბსოლუტურად საღად შეხვდნენ ამას და სურვილი გამოთქვეს ჩართულიყვნენ ამ პროცესში. ნებისმიერი კომპანიისთვის შრომის ინსპექცია არის არა რისკის შემცველი, არამედ მათი რისკებისგან დამცავი. ეს ახდენს პრევენციას დიდ წილად სამუშო ადგილზე მიღებული დაზიანებების და  თუ კომპანიები ვალდებულები იყვნენ რიგ შემთხვევში კომპენსაციები გადაეხადათ თანამშროლებისთვის, ისინი ამ ხარჯებისგან დაცულები იქნებიან“,-განაცხადა სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა, სოხუმმა და ცხინვალმა თბილისიდან „ძალის გამოუყენებლობის გარანტიები“ მოითხოვეს

„ნაციონალურმა მოძრაობამ“ სააკაშვილის მხარდასაჭერად აქცია დააანონსა

გენერალურ პროკურორსა და კორონავირუსით გარდაცვლილი 20 წლის ფეხბურთელის, ვახტანგ ჩარკვიანის მამას, გაიოზ ჩარკვიანს შორის შეხვედრა შედგა

24-25 სექტემბერს საქართველოს უმეტეს ტერიტორიაზე მოსალოდნელია ნალექი