თამარ გაბუნია - საყოველთაო ხელმისაწვდომობის პროგრამის ფარგლებში, არსებული კრიტერიუმები თბილისის მასშტაბით 117-მა დაწესებულებამ დააკმაყოფილა

2020-04-30 19:46:20, 1334 ნახვა

კომენტარი

ჯანდაცვის მინისტრის მოადგილის, თამარ გაბუნიას განცხადებით, საყოველთაო ხელმისაწვდომობის პროგრამის ფარგლებში, არსებული კრიტერიუმები თბილისის მასშტაბით 117-მა დაწესებულებამ დააკმაყოფილა.

მისი თქმით, მთავრობის მიერ დაწესებული კრიტერიუმი დააკმაყოფილა 20-მდე დაწესებულებამ ბათუმისა და ქუთაისის ფარგლებში.

„მიმდინარე წლის იანვარში მიღებული იქნება მთავრობის დადგენილება, რომელიც მიზნად ისახავდა თბილისში, ქუთაისსა და ბათუმში პირველადი ჯანდაცვის ქსელში სელექტიური კონტრაქტირების ამოქმედებას საყოველთაო ხელმისაწვდომობის პროგრამის ფარგლებში.

დღეს იყო მსჯელობა იმასთან დაკავშირებით თუ რომელი დაწესებულებები უნდა დარჩეს პროგრამაში სერვისის მიმწოდებლად და იმ კრიტერიუმების გათვალისწინებით, რომელსაც ითვალისწინებდა მთავრობის დადგენილება.

აქ შეეხება საქმე როგორც მიმაგრებული მოსახლეობის რაოდენობას და საწყისი კრიტერიუმი, რომელიც განისაზღვრა იყო 13 000 და მეტი მოსახლეობა. ასევე მონაწილეობა პრევენციულ სერვისებში, ადამიანური რესურსის განათლების რესურსებში მონაწილეობა, ეს კრიტერიუმები დააკმაყოფილა დაწესებულებების გარკვეულმა ნაწილმა. სულ თბილისის მასშტაბით 117-მა დაწესებულებამ, ასევე არის 20-მდე დაწესებულება ბათუმისა და ქუთაისის ფარგლებში“, - განაცხადა თამარ გაბუნიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან