ირაკლი სესიაშვილი - ქართველი ჯარისკაცი არის პროფესიონალიზმის, ღირსებისა და სამშობლოსათვის თავდადების ჭეშმარიტი მაგალითი

2020-04-30 14:07:05, 1174 ნახვა

კომენტარი

„ქართველი ჯარისკაცი არის პროფესიონალიზმის, ღირსებისა და სამშობლოსათვის თავდადების ჭეშმარიტი მაგალითი", - ამის შესახებ თავდაცვისა და უსაფრთხოების კომიტეტის თავმჯდომარე, ირაკლი სესიაშვილი სოციალურ ქსელში წერს.

მისი თქმით, შექმნის დროიდან მოყოლებული ქართული არმიის ისტორია გმირობის და სამშობლოსათვის უანგარო თავდადების არა ერთი მაგალითის მომსწრეც არის.

„დღეს, 30 აპრილს, ჩვენი ქვეყანა თავდაცვის ძალების დაარსების დღეს აღნიშნავს! სამწუხაროდ მისი შექმნის პირველივე დღეებიდანვე აქტიურად მოუწია ახლად ჩამოყალიბებულ ჯარს სამშობლოს დაცვისათვის ბრძოლა. იყო აფხაზეთი, იყო სამაჩაბლო, იყო 2008 წლის ომი, წარმატებული საერთაშორისო მისიები და ოპერაციები. შექმნის დროიდან მოყოლებული ქართული არმიის ისტორია გმირობის და სამშობლოსათვის უანგარო თავდადების არა ერთი მაგალითის მომსწრეც არის. დღეს, ქართველი ჯარისკაცი არის პროფესიონალიზმის, ღირსებისა და სამშობლოსათვის თავდადების ჭეშმარიტი მაგალითი და ეს არა ერთხელ დაადასტურა როგორც ქვეყნის შიგნით ასევე, საერთაშორისო მისიებში მონაწილეობის დროსაც, სადაც იგი დღემდე სამაგალითო პარტნიორია", - წერს ირაკლი სესიაშვილი სოციალურ ქსელში.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან