ჯაღმაიძე - ინფიცირებულ დაცვის წევრს საპატრიარქოს შიდა შენობასთან და თანამშრომლებთან სხვა კონტაქტი, გარდა შემოსასვლელი პუნქტისა, არ ჰქონდა

2020-04-14 15:30:57, 1569 ნახვა

კომენტარი

საპატრიარქოს პრესსამსახურის უფროსის ანდრია ჯაღმაიძის განცხადებით, ინფიცირებულ დაცვის წევრს საპატრიარქოს შიდა შენობასთან და თანამშრომლებთან სხვა კონტაქტი, გარდა შემოსასვლელი პუნქტისა, არ ჰქონდა.

მისივე თქმით, ეს პირი აკონტროლებდა საპატრიარქოს შესასვლელს.

„ზოგადად საპატრიარქოს დაცვის სამსახური არ ჰყავს. მის დაცვას ახორციელებს სახელმწიფო დაცვის სპეციალური სამსახური. დროდადრო ხდება თანამშრომლების როტაცია.

დაავადება აღმოაჩნდა ამ სამსახურის წარმომადგენელს, რომელიც საპატრიარქოში შემოსასვლელს აკონტროლებდა. ვისთან ერთადაც ასრულებდა სამუშაოს, კიდევ ორ თანამშრომელს ასევე ჩაუტარდათ კვლევები და მათ არ დაუდასტურდათ ვირუსი.

დაცვის ამ წევრს საპატრიარქოს შიდა შენობასთან და თანამშრომლებთან სხვა კონტაქტი, გარდა შემოსასვლელი პუნქტისა არ ჰქონდა“, - წერს სოციალურ ქსელში ანდრია ჯაღმაიძე.

ცნობისთვის, ინფიცირებულია სახელმწიფო დაცვის თანამშრომელი, რომელიც საპატრიარქოს შესასვლელს აკონტროლებდა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან