თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, გუშინ, დღე-ღამის განმავლობაში, ინფექციურ საავადმყოფოში 6 ახალი პაციენტი შეიყვანეს, საიდანაც 4 მოზარდია.

მისი თქმით, ამ დროისთვის პაციენტების მდგომარეობა დამაკმაყოფილებელია.

„ბოლო 24 საათში დაგვემატა 30 დადასტურებული შემთხვევა და დღეს დილისთვის 296 დადასტურებული შემთხვევაა. აქედან ქვეყნის მასშტაბით, 68 გამოჯანმრთელებულია. ამ 296-დან 84 პაციენტი ჩვენია, ხოლო გამოჯანმრთელებული 45 პაციენტია ჩვენი. ამ ეტაპზე კოვიდ ცენტრებში 228 პაციენტი მკურნალობს.

ჩვენთან გუშინ დღე-ღამის განმავლობაში 6 პაციენტი დაგვემატა. ქობულეთის კლასტერიდან შემოვიდა 5 პაციენტი, საიდანაც ერთი მოზრდილი და 4 მოზარდია. მათი მდგომარეობა ჯერჯერობით დამაკმაყოფილებელია და იმედი გვაქვს ასე გაგრძელდება. ერთი შემოგვემატა სხვა კლასტერიდან. სულ 2 კლასტერია ჩვენთან, ერთი ქობულეთის და მეორე ჩემთვის უცნობია“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს