2020-04-09 18:03:00, 1315 ნახვა
კომენტარი
რიჟვაძე: შემოვიფარგლე პოლიტიკური გაფრთხილებით იმ მიზეზის გამო, რომ პრემიები გაცემული იყო რიგით თანამშრომლებზე და მყისიერად დაბრუნდა ბიუჯეტში
ხულოს მუნიციპალიტეტში გაცემულ პრემიებთან დაკავშირებით კომენტარი გააკეთა აჭარის მთავრობის თავმჯდომარე თორნიკე რიჟვაძემ.
,,ამ ეტაპზე შემოვიფარგლეთ პოლიტიკური ყვითელი ბარათით და შესაბამისად, მომავალში, კიდევ ერთხელ, იმ პოზიციაზე ვრჩებით, ასეთ ფორს-მაჟორულ გარემოებაში, როდესაც ქვეყანას უჭირს დაუშვებელია პრემიების გაცემა და წახალისება. გადაწყვეტილების მიღებასთან მიმართებაში შემოვიფარგლეთ შესაბამისი პოლიტიკური და პარტიული გაფრთხილებით მხოლოდ იმ მიზეზით, რომ ეს პრემიები გაცემული იყო რიგით თანამშრომლებზე და მყისიერად მოხდა გაცემული პრემიების დაბრუნება ბიუჯეტში", - განაცხადა რიჟვაძემ.
ავტორი: NS (სტატია დაფინანსებულია),
epn.ge (@expressnews.ge)
