2020-04-04 12:26:15, 3095 ნახვა

---

ბათუმის ინფექციურ საავადმყოფოში კორონავირუსზე 33 პაციენტის პასუხი უარყოფითია, 3-ის პასუხი კი დღის განმავლობაში გახდება ცნობილი

აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილის, ნინო ნიჟარაძის განცხადებით, ბათუმის ინფექციურ საავადმყოფოში 36 პაციენტიდან კორონავირუსზე 33-ის პასუხი უარყოფითია, 3-ის პასუხს კი დღის განმავლობაში ელოდებიან.

მისი თქმით, „მედალფაში“ კორონავირუსით ინფიცირებული 7 პაციენტია მოთავსებული, საიდანაც ერთის მდგომარეობა სტაბილურად მძიმეა.

„ „მედალფაში“ არის 7 დადასტურებული დაავადებული, რომელთაგანაც ერთ-ერთის მდგომარეობა რჩება სტაბილურად მძიმე. დანარჩენი 6 პაციენტის მდგომარეობა არის საშუალო და მსუბუქი სიმძიმის. რაც შეეხება 24 საათის განმავლობაში, ბათუმის ინფექციურ საავადმყოფოში გატარდა 36 პაციენტი. ესენი იყვნენ თვითდინებით შესული, ასევე საკარანტინე ზონიდან და ონლაინ კლინიკიდან გადამისამართებული პირები, რომელთაგანაც 33 შემთხვევაში მივიღეთ უარყოფითი კვლევის პასუხი, 3 შესაძლო შემთხვევა ახლა არის ლაბორატორიული კვლევის ფაზაში და დღის განმავლობაში გვეცოდინება მათ შესახებ ინფორმაცია“, - განაცხადა ნინო ნიჟარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი