საქართველოს 14 აპრილს, ოფიციალური ვიზიტით დანიის, პოლონეთისა და შვედეთის საგარეო საქმეთა მინისტრები, მარტინ ლიდეგორდი, გჟეგოჟ სხეტინა და მარგოტ ვალსტრომი ეწვევიან.

უფლებადამცველების ნაწილი მიიჩნევს, რომ 2012 წლის ბოლოს განხორციელებული ამნისტია მიზანშეწონილი იყო. „გლობალური კვლევის ცენტრის“ ხელმძღვანელის, ნანა დევდარიანის განცხადებით, პოლიციელის მკვლელობაში ეჭვმიტანილის, შალვა აბულაძის მაგალითზე არ შეიძლება ითქვას რომ ამნისტია დასაგმობია.

სამების ტაძარში  გარდამოხსნის რიტუალი შესრულდა. გარდამოხსნის წესი  საქართველოს კათოლიკოს-პატრიარქმა  ილია მეორემ სასულიერო პირებთან ერთად  აღასრულა. 

საქართველოს პრეზიდენტმა გიორგი მარგველაშვილმა ვატიკანში ორდღიანი ვიზიტის ფარგლებში, დღეს, მის უწმინდესობა, რომის პაპ ფრანცისკესთან აუდიენცია გამართა.

დემოკრატიისა და ეკონომიკური განვითარების ორგანიზაცია - სუამ-ი 2015 წლის 18 მარტს რუსეთის ფედერაციასა და ცხინვალის საოკუპაციო რეჟიმს შორის გაფორმებულ ე.წ. ხელშეკრულებას გმობს.

"აღდგომის ღამეს მოსალოდნელია წვიმა, აღდგომის დღეს კი,  დაახლოებით, 11:00 საათიდან  მთელ საქართველოში გამოიდარებს“, - ამის შესახებ „ექსპრესნიუსს“  გარემოს ეროვნული  სააგენტოს მთავარმა სპეციალისტმა ლეილა მალაშიძემ განუცხადა.

პოლიციელის მკვლელობაში ეჭვმიტანილ შალვა აბულაძის მეგობარს, რამინ მამედოვს, აღკვეთი ღონისძიების სახით, 10 000 ლარიანი გირაო შეეფარდა.

„მთავარი ეჭვმიტანილის დაკავება იყო ჩვენი ხელისუფლების ღირსების საქმე“, – ასე ეხმაურება  საქართველოს პრემიერ–მინისტრი ირაკლი ღარიბაშვილი  პოლიციელების მკვლელობასა და დაჭრაში მთავარი ეჭვმიტანილის შალვა აბულაძის დაკავების საკითხს. 

პოლიციელ ბექა მარგიშვილის მკვლელობაში ეჭვმიტანილ შალვა აბულაძეს ბრალის დამტკიცების შემთხვევაში, თექვსმეტიდან ოც წლამდე, ან უვადო თავისუფლების აღკვეთა ემუქრება.

სააღდგომოდ  მეტროპოლიტენი ხანგრძლივი დროის განმავლობაში იმუშავებს. 

შსს-ს სპეციალური და საგანგებო ღონისძიებების ცენტრის სპეციალური ოპერაციების დეპარტამენტის, განსაკუთრებულ დავალებათა დეპარტამენტის, ცენტრალური კრიმინალური პოლიციის დეპარტამენტის, სამცხე-ჯავახეთის სამხარეო მთავარი სამმართველოს და თბილისის მთავარი სამმართველოს თანამშრომლებმა, სპეციალური ოპერატიული ღონისძიების შედეგად, 1977 წელს დაბადებული, წარსულში მრავალჯერ ნასამართლევი, ბორჯომში მცხოვრები, პოლიციელის სიცოცხლის მოსპობის, მოსპობის მცდელობის და ცეცხლსასროლი იარაღის მართლსაწინააღმდეგო შეძენა-შენახვა-ტარებისთვის ძებნილი, შალვა აბულაძე დააკავეს.

აღდგომის დღესასწაულთან დაკავშირებით, 12 და 13 აპრილს სასაფლაოებამდე მუნიციპალური ტრანსპორტი მგზავრებს უფსოდ მოემსახურება.