2020-03-26 21:25:26, 8226 ნახვა

---

ჰარვარდის მსოფლიო ჯანდაცვის ინსტიტუტის ხელმძღვანელის თქმით, კორონავირუსის პანდემია 12-დან თვრამეტ თვემდე გაგრძელდება

კორონავირუსის პანდემია 12-დან 18 თვემდე გაგრძელდება, - ამის შესახებ ჰარვარდის მსოფლიო ჯანდაცვის ინსტიტუტის ხელმძღვანელი აშიშ ჯამ განაცხადა.

მისი თქმით, ეს არ არის ვირუსი, რომელიც რამდენიმე კვირაში გადაივლის.

„ეს არ არის ვირუსი, როემლიც ორ, ოთხ ან ექვს კვირაში გადაივლის. ჩვენ ამ ვირუსით ცხოვრება 12-დან 18 თვის განმავლობაში მოგვიწევს“, - განაცხადა აშიშ ჯამ.

მისი თქმით, „მას შემდეგ, რაც ჩვენ გვექნება ვაქცინა, რომელიც ეფექტური იქნება, შეგვიძლია გვერდზე მოვიტოვოთ პანდემია. ჯა აღნიშნავს, რომ  „მანამდე კი, ჩვენ ვაპირებთ გავაგრძელოთ ვირუსთან გამკლავება".

მეცნიერები მთელი მსოფლიოს მასშტაბით მუშაობენ იმ ვაქცინების შექმნისთვის, რომლებიც კოროვირუსის წინააღმდეგ ბრძოლაში ეფექტური იარაღი იქნება.

ცნობისთვის, ჯანდაცვის მსოფლიო ორგანიზაციის გენერალურმა დირექტორმა, ტედროს გებრეიუსუსმა თებერვალში განაცხადა, რომ კორონავირუსის ვაქცინის შექმნას შეიძლება 12-დან 18 თვემდე დასჭირდეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი