2020-03-26 19:21:43, 2118 ნახვა

---

ბოლნისის მუნიციპალიტეტში მასშტაბური სადეზინფექციო სამუშაოები და მოსახლეობის ჯანმრთელობის მდგომარეობის მასობრივი შემოწმება გრძელდება

საქართველოს გარემოს დაცვისა და სოფლის მეურნეობის სამინისტროს მიერ გამოყოფილი ჯგუფები ბოლნისის მუნიციპალიტეტის მასშტაბით კორონავირუსის პრევენციის მიზნით, მასობრივ სადეზინფექციო სამუშაოებს კვლავ ატარებენ. ასევე აქტიურად გრძელდება მოსახლეობის ჯანმრთელობის მდგომარეობის მასობრივი შემოწმება. დღეს მედიკოსებმა 16 სოფელში გამოკვლევა 3373 მოქალაქეს ჩაუტარეს.

სადეზინფექციო სამუშაოებისა და მოსახლეობის ჯანმრთელობის შემოწმების პროცესის მიმდინარეობას ბოლნისის მაჟორიტარი დეპუტატი გოგი მეშველიანი და ბოლნისის მუნიციპალიტეტის მერი დავით შერაზადიშვილი სოფელ ნახიდურში გაეცნენ.

სადეზინფექციო სამუშაოებისა და მოსახლეობის ჯანმრთელობის შემოწმება ბოლნისის მუნიციპალიტეტის მასშტაბით ეტაპობრივად განხორციელდება.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი