თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, გუშინ, 33 პაციენტს ჩაუტარდათ ტესტირება კორონავირუსთან დაკავშირებით და 33-ვე შემთხვევაში პასუხი უარყოფითია.

მისივე განმარტებით, ინფიცირებული ადამიანებიდან მხოლოდ ერთის მდგომარეობაა მძიმე, თუმცა მკურნალობას ექვემდებარება.

„გუშინ, დღის განმავლობაში, ორ ეტაპად ჩაუტარდათ 33 პაციენტს ტესტირება კორონავისრუსთან მიმართებაში. 33-ვე პაციენტთან მიღებულია უარყოფითი პასუხი. ამ პაციენტების ნაწილი საკარანტინო ზონაშია, ნაწილი კი თვითიზოლაციაშია.

რაც შეეხება იმ 15 ინფიცირებულს, რომლებიც ჩვენს ცენტრში არის მოთავსებული. მათგან, როგორც ვიცით, ერთი პაციენტი არის მძიმე მდგომარეობაში. საბედნიეროდ, გუშინდელი დღის განმავლობაში მისი მდგომარეობა სტაბილურია, განსაკუთრებული პროგრესირება არ შეიმჩნევა, მკურნალობას ექვემდებარება და იმედი გვაქვს, რომ ასე გაგრძელდება და არ გაუარესდება მისი მდგომარეობა. ამის გარდა, კიდევ 3 პაციენტთან არის საშუალო სიმძიმის მიმდინარეობა. მათთან არის დაფიქსირებული ვირუსული პნევმონია, მართვა გრძელდება შესაბამისად და მათი მდგომარეობა სტაბილურია, დანარჩენ პაციენტთებთან არის მსუბუქი მიმდინარეობა, მათთან გამოხატულია კლინიკა მხოლოდ დაბალი ცხელების სახით ან თითოეულ მათგანს აქვს ან ხველა, ან სურდო, ან ყელის ტკივილი. მათი მდგომარეობა დინამიკაში სტაბილურია და პროგრესირება ამ დრომდე არ შეიმჩნევა“, - განაცხადა მარინა ეზუგბაიამ.

ცნობისთვის, ამ ეტაპზე საქართველოში კორონავირუსით ინფიცირებულ ადამიანთა რაოდენობა 15-ს შეადგენს. საკარანტინო რეჟიმში იმყოფება 178 ადამიანი, ხოლო სტაციონარში მეთვალყურეობის ქვეშ 56 ადამიანი რჩება.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს