„ევროსაბჭოს მინისტერიალის სტრასბურგში ჩატარება ყველაზე კარგი გამოსავალი იყო“, - ასე აფასებს უმრავლესობის ლიდერი მამუკა მდინარაძე ევროსაბჭოში მიღებულ გადაწყვეტილებას მინისტერიალის სტრასბურგში ჩატარების თაობაზე.

მისი თქმით, მმართველი გუნდი ყოველთვის ამბობდა, რომ დაიცავდა ბალანს, რათა ერთი მხრივ არ ყოფილიყო გარკვეული პროვოკაციები და მეორე მხრივ, ნაკისრს ვალდებულებებზე უარი არ ეთქვათ.

„ჩვენ ყოველთვის ვამბობდით, რომ ბალანსს დავიცავდით, ერთი მხრივ არ ყოფილიყო გარკვეული პროვოკაციები და რისკი, კანონი არ დარღვეულიყო, მეორე მხრივ, ჩვენს ნაკისრს ვალდებულებებზე უარი არ გვეთქვა. დამკვიდრებული პრაქტიკაც არის ასეთი და ჩვენ შევთანხმდით - სტრასბურგში ჩატარდება ძალიან მაღალ დონეზე, ისე, როგორც შეეფერება იმ ქალაქსაც და ჩვენს ქვეყანასაც. შესაბამისად, როგორც საბჭოს თავმჯდომარე ქვეყანამ თვის თავზე უნდა აიღოს ვალდებულება. როდესაც ქვეყანაში გყავს ოპოზიცია, რომელიც ვერ არჩევს, ქვეყანას აყენებს ზიანს თუ „ქართულ ოცნებას“, ამ დროს ეს იყო ყველაზე კარგი გამოსავალი ჩემი აზრით“, - განაცხადა უმრავლესობის ლოდერმა მამუკა მდინარაძემ.

შეგახსენებთ, დღეს ცნობილი გახდა, რომ ევროსაბჭოს მინისტერიალი, რომლის ჩატარებაც მაისში თბილისში იგეგმებოდა, სტრასბურგში გაიმართება.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა