უმრავლესობის ლიდერის, მამუკა მდინარაძის განცხადებით, ნუცუბიძის პლატოზე მდებარე საცხოვრებელ კორპუსში ნაპოვნ ცეცხლსასროლ იარაღს არჩილ თალაკვაძის ბინასთან კავშირი არ აქვს.

მისი თქმით, ერთ-ერთი არხი დილიდან ავრცელებს ინფორმაციას, რომ არჩილ თალაკვაძის ბინაში რაღაც მოხდა, რაც ქართული მედიის დღის წესრიგის შექმნის ბინძური მცდელობაა.

„ჩემთვისაც რამდენიმე წუთის წინ გახდა ცნობილი, რომ ცეცხლსასროლი იარაღი აღმოჩნდა ერთ-ერთ სადარბაზოში, პარლამენტის თავმჯდომარის ბინის მიმდებარედ, მეზობლად. ერთ-ერთი არხი დილიდან გადმოგვცემს და ეუბნება საზოგადოებას, რომ არჩილ თალაკვაძის ბინაში რაღაც ხდება. ეს არის ჩვენი მედიის ნაწილის დღის წესრიგის შექმნის ძალიან ბინძური მცდელობა, რაც ძალიან სამწუხაროა. გამოძიება თავისას იტყვის, იქ რატომ დააგდო ვიღაცამ იარაღი და ა.შ. ყოველ შემთხვევაში არჩილ თალაკვაძის ოჯახთან და ბინასთან ამას არანაირი შეხება არ ჰქონია“, - განაცხადა მამუკა მდინარაძემ.  

შეგახსენებთ, რომ თბილისში, ნუცუბიძის პლატოზე, პარლამენტის თავმჯდომარის საცხოვრებელი კორპუსის პირველ და მეორე სართულებს შორის სპეციალური დაცვის  სამსახურის თანამშრომელმა ცეცხლსასროლი იარაღი იპოვა და ამის თაობაზე პოლიციას აცნობა.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა