„ეს იქნება საზოგადოების სრულიად ლეგიტიმური და უმწვავესი პროტესტის საფუძველი“, - ასე აფასებს „ევროპული საქართველოს“ ლიდერი დავით ბაქრაძე საქართველოში რუსეთიდან იმ პოლიტიკოსების მოსალოდნელ ვიზიტს, რომელთაც ოკუპაციის შესახებ კანონი აქვთ დარღვეული, „კურიერთან“ საუბრისას.

მისი თქმით, როდესაც საუბარია ქვეყნის ეროვნული ინტერესების დაცვაზე, დიალოგის წარმოება მტერთანაც შესაძლებელია, თუმცა ყველაფერს თავისი ფორმა გააჩნია.

„დიალოგი შეიძლება აწარმოო მტერთანაც, როდესაც საუბარია შენი ქვეყნის ეროვნული  ინტერესების დაცვაზე, ოღონდ ყველაფერს აქვს თავისი ფორმა, ფორმატი და წითელი ხაზები. ლავროვს შეიძლება ვესაუბროთ ჟენევაში საქართველოს ინტერესების დასაცავად, მაგრამ ამ ადამიანის ჩამოყვანა თბილისში და მისი მასპინძლობა, იმ ადამიანის, ვინც უკვე წლებია ანგრევს ჩვენს ტერიტორიულ მთლიანობას და მუშაობს, რომ აფხაზეთი და ცხინვალი აღიარებული იქნას, როგორც დამოუკიდებელი სახელმწიფოები, მიგვაჩნია, რომ არის მიუღებელი და ეს იქნება საზოგადოების სრულიად ლეგიტიმური და უმწვავესი პროტესტის საფუძველი“, - განაცხადა დავით ბაქრაძემ.

შეგახსენებთ, რომ 2020 წლის 14-15 მაისს საქართველო, როგორც ევროპის საბჭოს თავმჯდომარე ქვეყანა, ევროპის საბჭოს მინისტრთა კომიტეტის 130-ე შეხვდრას უმასპინძლებს. მინისტერიალზე ევროპის საბჭოს ქვეყნების საგარეო საქმეთა მინისტრები უნდა ჩამოვიდნენ. ევროპის საბჭოს წევრი ქვეყანაა რუსეთი. გავრცელებული ინფორმაციით, რუსეთის დელეგაციას სერგეი ლავროვი უხელმძღვანელებს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს