„პირობას ვდებ, გიგი უგულავას მაქსიმუმ ოქტომბრის ბოლომდე მოუწევს საპატიმრო დაწესებულებაში ყოფნა“,  - ამის შესახებ „ახალი საქართველოს“ ლიდერმა გიორგი ვაშაძემ განაცხადა.

მისი თქმით, როგორც კი საქართველოში „ქართული ოცნების“ რეჟიმი დამარცხდება გიგი უგულავა გათავისუფლდება.

„მათ აღარც საარჩევნო სისტემით მანიპულაცია შველით, არც დიდი ფული, რომლის დახარჯვასაც აპირებენ და არც ადმინისტრაციული რესურსი. ახლა ფიქრობენ, პერსონალურად დააკავონ პოლიტიკური ლიდერები, რათა ამით მაინც გაანეიტრალონ ოპოზიცია. მე კი ერთი რამ მინდა ვუთხრა მათ, ყველა ასეთი ქმედება გვაძლიერებს და პირობას ვდებ, რომ გიგი უგულავას მაქსიმუმ ოქტომბრის ბოლომდე მოუწევს საპატიმრო დაწესებულებაში ყოფნა, ის ძალიან სწრაფად გათავისუფლდება, როგორც კი საქართველოში „ქართული ოცნების“ რეჟიმი დამარცხდება“, - განაცხადა გიორგი ვაშაძემ.

შეგახსენებთ, რომ ე.წ. ფონდის საქმეზე გიგი უგულავას სახელმწიფო ბრალდება თბილისის განვითარების ფონდიდან 48 მილიონი ლარის გაფლანგვას ედავება.

უზენაესმა სასამართლომ გიგი უგულავა დამნაშავედ ცნო და 3 წლით და 2 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს