„უზენაესმა სასამართლომ მიიღო პოლიტიზირებული გადაწყვეტილება და შეასრულა ბიძინა ივანიშვილის შეკვეთა“, - ამის შესახებ „ევროპული საქართველოს“ წევრის, გიგი უგულავას ადვოკატმა, ბექა ბასილაიამ განაცხადა.

მისი თქმით, უგულავას საქმე განიხილა იმ მოსამართლემ, რომელიც გენერალური პროკურორი იყო ამ საქმის სააპელაციო წარმოებისას და საკასაციო საჩივრის მომზადებისას.

„როგორც ვვარაუდობდით საკასაციო სასამართლომ მიიღო პოლიტიზირებული, სრულიად დაუსაბუთებელი გადაწყვეტილება, შეასრულა ბიძინა ივანიშვილის შეკვეთა. გიგი უგულავას მიმართ უდიპლომო, ყალბ დიპლომიანმა თადუმაძემ და გაბინაშვილმა, რომლებიც ახლა იქნენ არჩეული შეასრულეს დაკვეთა და გიგი უგულავას გადაუკვალიფიცირა მუხლი, რის საფუძველზეც დამატებით სასჯელად გიგის 3 წელი და 2 თვე განესაზღვრა თავისუფლების აღკვეთად. გადაუკვალიფიცირა 182-ე მუხლის მე-2 და მე-3 ნაწილიც, სასჯელად დაუდგინა 9 წლით თავისუფლების აღკვეთა, რაც განახევრდა ამნისტიის კანონის საფუძველზე და ამ განახევრებული 4 წელი და ნახევრიდან გამოაკლდა წელიწადი და 4 თვე, რაც გიგის ჰქონდა სასჯელაღსრულების დაწესებულებაში ამ დრომდე მოხდილი. ეს ნიშნავს, რომ ეს გადაწყვეტილება გადაიგზავნება აღსასრულებლად. პროცედურულად ამას უკვე გადამწყვეტი მნიშვნელობა აღარ აქვს და გიგი უგულავას თავისუფლების აღკვეთა აქვს მისჯილი. ეს არის ცალსახად პოლიტიკური გადაწყვეტილება. ეს საქმე განიხილა იმ მოსამართლემ, რომელიც გენერალური პროკურორი იყო ამ საქმის სააპელაციო წარმოებისას და საკასაციო საჩივრის მომზადებისას. ეს ნიშნავს ერთს, რომ გიგი გაასამართლა გენერალურმა პროკურორმა. ამის შემდეგ სამართლიან სასამართლოზე, ობიექტურ მართლმსაჯულებაზე, კანონიერების პრინციპზე და ა.შ. საუბარს წერტილი აქვს ამ ქვეყანაში დასმული. ბიძინა ივანიშვილმა როგორც ორი თვის წინ დააანონსა, რომ დაჭერები გაგრძელდება, ეს მოიყვანა სისრულეში და პირველი მსხვერპლი არის გიგი უგულავა“, - განაცხადა ბექა ბასილაიამ.

ცნობისთვის, დღეს „ევროპული საქართველოს“ ლიდერს, გიგი უგულავას ე.წ „ფონდის საქმეზე“  უზენაესმა სასამართლომ 3 წლით თავისუფლების აღკვეთა მიუსაჯა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს