„ქართულ ოცნების“ ლიდერებს რომ ვკითხოთ, ორჯერ ორი ან ხუთი იქნება, ან სამი, ან სხვა ნებისმიერი ციფრი, გარდა ოთხისა“, - ასე გამოეხმაურა „ახალი საქართველოს“ ლიდერი გიორგი ვაშაძე ეუთო/ოდირის დასკვნასთან დაკავშირებით მმართველი გუნდის შეფასებებს.

როგორც ვაშაძემ აღნიშნა, ოპოზიცია მზადაა, ოდირის ყველა რეკომენდაცია გაითვალისწინოს.

„მათემატიკაში ორჯერ ორი ოთხია, მაგრამ „ქართულ ოცნების“ ლიდერებს რომ ვკითხოთ, ან ხუთი იქნება, ან სამი, ან სხვა ნებისმიერი ციფრი გარდა ოთხისა. ექვსი რეკომენდაცია, რომელიც გასცა ეუთო/ოდირმა, არცერთი არ შეეხება საკონსტიტუციო ცვლილებებს. ოპოზიცია მზად ვართ ექვსივე რეკომენდაცია გავითვალისწინოთ პროექტში, რომელიც ჩვენ წარვადგინეთ. საკითხი მარტივია, უნდათ მათ ამ კრიზისული სიტუაციიდან გამოსვლა თუ არა. მათ არაადეკვატურ განცხადებებს ვერავინ ვერ აიტანს, ვერც საქართველოსი და ვერც მსოფლიოში“, - განაცხადა „TV პირველთან“ საუბრისას გიორგი ვაშაძემ.

ცნობისთვის, ეუთო/ოდირის დასკვნასთან დაკავშირებით „ქართული ოცნების“ აღმასრულებელმა მდივანმა ირაკლი კობახიძემ დღეს ბრიფინგი გამართა. როგორც მან აღნიშნა, ოდირმა ოპოზიციას, როგორც „პატარა ბავშვებს“ მიანიშნა, რომ ე.წ. გერმანული მოდელის კონსტიტუციურობას ვერ შეაფასებს. გარდა ამისა, კობახიძის თქმით, დასკვნაში ნათქვამია, რომ როგორც პროპორციული, ისე სრულად მაჟორიტარული და ასევე შერეული საარჩევნო სისტემები სამართლიანია. აქედან გამომდინარე, მმართველი გუნდის ერთ-ერთმა ლიდერმა ოპოზიციას მოუწოდა, დათანხმდნენ შეთავაზებას 100/50-თან [100 პროპორციული/50 მაჟორიტარული მანდატი] დაკავშირებით, რადგან მისივე თქმით, წინააღმდეგ შემთხვევაში, არჩევნები დღეს არსებული სისტემით ჩატარდება.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს