„ბავშვთა შიმშილობის საკითხი დღესაც მწვავედ დგას“, - ასე პასუხობს ჯანდაცვის მინისტრი ეკატერინე ტიკარაძე საპარლამენტო უმრავლესობის დეპუტატ რეზო არველაძის კითხვას, შიმშილობენ თუ არა ქვეყანაში ბავშვები.

ტიკარაძე აღნიშნავს, რომ ბავშვებისთვის სხვადასხვა სოციალური პროგრამა მუშაობს, თუმცა ეს საკამრისი არაა და ამ მიმართულებით სამუშაო ჯერ კიდევ ბევრია.

„ეს წლების წინაც ნამდვილად იყო მწვავე დისკუსიის თემა. ბავშვთა შიმშილობის საკითხი დღესაც მწვავედ დგას. უნდა აღვნიშნო აუცილებლად, რომ 2019 წლის იანვრიდან 5-ჯერ გაიზარდა ბავშვბზე გაწეული დახმარება. ასევე, არსებობს ბავშვებისთვის საკვები ვაუჩერები, მაგრამ ჩვენ ვთვლით, რომ ეს არ არის საკმარისი ბენეფიტები და მთავრობასაც ბევრი აქვს სამუშაო იმისთვის, რომ ჩვენი ბავშვები არამხოლოდ არ შიმშილობდნენ, არამედ მათი კეთილდრეობისთვის ჩვენ ძალიან ბევრი გვაქვს გასაკთებელი. ეს ჩვენი ერთობლივი საზრუნავია. დარწმუნებული ვარ, რომ ჩვენ უახლოეს მომავალში შევძლებთ ამ პრობლემის დაძლევას. იმიტომ, რომ ჯანდაცვის სამინისტროს ბევრი საერთაშორისო ორგანიზაცია და პარტნიორი უდგას მხარში. ვმუშაობთ იმ გამოსავალზე, რომელიც ყველაზე კეთილგონივრული იქნება ჩვენი ბავშვებისთვის“, - განაცხადა ეკატერინე ტიკარაძემ.

ცნობისთვის, დეპუტატმა რეზო არველაძემ პლენარულ სხდომაზე ჯანდაცვის მინისტრს კითხვით  მიმართა - „შიმშილობენ თუ არა ბავშვები?“

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს