რეანიმაციული სამსახურის უფროსის თეკლა ჯანელიძის განცხადებით, მეტროსადგურ „გოციძირეს“ მიმდებარე ტერიტორიაზე მშენებარე კორპუსიდან გადმოვარდნილი ადამიანის ჯანმრთელობის მდგომარეობა უმძიმესია.

როგორც ჯანელიძემ ჟურნალისტებს განუცხადა, პაციენტი მართვით სუნთქვაზე იმყოფება.

„შემოყვანილია სასწრაფო დახმარების ბრიგადის მიერ მიმღებ განყოფილებაში, კომატოზურ მდგომარეობაში. გადაყვანილ იქნა მართვით სუნთქვაზე. ჩატარდა კომპიუტერული ტომოგრაფია, სადაც დადასტურდა თავის ტვინში სუბარაქნოიდური სისხლჩაქცევა, წელის, გულ-მკერდის, კისრის მალების მოტეხილობა. ასევე მოტეხილია მენჯის ძვლები და მარცხნივ ბარძაყის ძვალი. პაციენტის მდგომარეობა უმძიმესი, მოთავსებულია რეანიმაციულ განყოფილებაში, ჰემოდინამიკურად არასტაბილურია. გრძელდება მკურნალობა და დაკვირვება“, - განაცხადა თეკლა ჯანელიძემ.

ცნობისთვის, დღეს თბილისში, მეტროსადგურ „გოცირიძეს“ მიმდებარე ტერიტორიაზე, მშენებარე კორპუსიდან 2 მუშა გადმოვარდა. ერთი მათგანი ადგილზე დაიღუპა, ხოლო მეორე საავადმყოფოში გადაიყვანეს. შინაგან საქმეთა სამინისტრომ მომხდარზე გამოძიება სსკ-ის 240-ე მუხლის მეორე ნაწილით დაიწყო (სამთო, სამშენებლო ან სხვა სამუშაოს წარმოებისას უსაფრთხოების წესის დარღვევა, რამაც ადამიანის სიცოცხლის მოსპობა ან სხვა მძიმე შედეგი გამოიწვია).

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს