„ბატონო რეზო, მართლაც შიმშილობენ ქვეყანაში ბავშვები და ეს თქვენთვის არ უნდა იყოს რაღაც უცნაური ამბავი“, - ასე გამოეხმაურა პარლამენტის დამოუკიდებელი დეპუტატი თამარ ხულორდავა უმრავლესობის წევრის, რეზო არველაძის განცხადებას, რომლის თანახმადაც, „საქართველოში ბავშვები არ შიმშილობენ“.

ხულორდავას თქმით, ქვეყანაში ბავშვების შიმშილობის მიზეზი არსებული მძიმე სოციალურ-ეკონომიკური მდგომარეობაა.

„ბატონ რეზოს ვეტყვი, რომ მართლაც შიმშილობენ ქვეყანაში ბავშვები და ეს თქვენთვის არ უნდა იყოს რაღაცა უცნაური ამბავი. იმედი მაქვს, მინისტრი ამას ამგვარადვე გასცემს პასუხს. ბავშვები შიმშილობენ სწორედ იქიდან გამომდინარე, რომ ძალიან რთული სოციალ-ეკონომიკური ფონია ქვეყანაში, როგორც თქვენც აღნიშნეთ სიღარიბე არის ერთ-ერთი დაუძლეველი პრობლემა. ასეთი პრობლემის არსეობის პერიოდში სულაც არ არის გასაკვირი, რომ შიმშილის პრობლემა არსებობდეს. მაგრამ თუ პრობლემას თვალს არ გავუსწორებთ და მის უარყოფაზე გააკეთებთ აქცენტს, მერე ძალიან რთულია, რომ გამოსწორებაზე სათანადოდ იმუშაო“, - განაცხადა თამარ ხულორდავამ.

ცნობისთვის, გუშინ დეპუტატმა რეზო არველაძემ მედიასთან საუბრისას განაცხადა, რომ „ქვეყანაში ბავშვები არ შიმშილობენ და თუ შიმშილობენ, მათ ოპოზიცია აშიმშილებს“.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს