დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ საქართველოში კორონავირუსული ინფექციის შემთვევა არ დაფიქსირებულა და ქვეყანა კვლავ რჩება დაბალი რისკის ქვეყანათა ჯგუფში.

როგორც გამყრელიძემ აღნიშნა, ამ ეტაპზე, ინფექციური საავადმყოფოს ბოქსირებულ განყოფილებაში 3 ადამიანია და მათი მდგომარეობა დამაკმაყოფილებელია.

„საქართველოს რაც შეეხება, ხაზს ვუსვამ, რომ ამ ეტაპზე ჩვენთან კორონავირუსული ინფექციის შემთხვევა არ დაფიქსირებულა და ჩვენ კვლავ ვრჩებით დაბალი რისკის ქვეყანათა ჯგუფში.

ამ ეტაპზე, 3 ადამიანია დაკვირვების ქვეშ, ინფექციური საავადმყოფოს ბოქსირებულ განყოფილებაში, სამივეს მდგომარეობა არის დამაკმაყოფილებელი, მიმდინარეობს მათზე დაკვირვება. სამივე გახლავთ საქართველოს მოქალაქე და აქვთ ისტორია ჩინეთში ყოფნისას სხვადასხვა პერიოდში, აქედან ერთი არის და იყო ყველაზე უფრო დაზიანებულ რეგიონში, ქალაქ უჰანში, ამიტომ მათზე დაკვირვება მიმდინარეობს. ისინი გამოკვლეული არიან ჩვენთან 22 ტიპის ვირუსზე და 2 ადამიანის სინჯები გადაგზავნილია როტერდამში, ჩვენ დიდი იმედი გვაქვს, რომ ხვალ გვექნება პასუხები“, - განაცხადა ამირან გამყრელიძემ.

მანვე დასძინა, რომ ხვალიდან საქართველოში ჩამოტანილი იქნება რეაგენტები, რომლებიც კორონავირუსის დიაგნოსტირებისთვისაა საჭირო.

„მაქვს ინფორმაცია, რომ უკვე ხვალიდან გვექნება საშუალება ძალიან დიდი, 99% ალბათობით, დღეს გამთენიისას გვექნება ყველა ის რეაგენტი დამატებით რაც საჭიროა ამ ქვე ტიპის ლაბორატორიული დიაგნოსტირებისთვის და აღარ იქნება სინჯების რეფერალურ ცენტრში გადაგზავნის აუცილებლობა“, - აღნიშნა გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს