„ვფიქრობ, სენატორების გზავნილი გამოხატავს ამერიკის შეერთებული შტატების პოზიციას“, - ასე ეხმაურება ამერიკელი სენატორების კრიტიკულ წერილს ფრაქცია „ნაციონალური მოძრაობის“ წევრი სალომე სამადაშვილი.

მისი თქმით, ბიძინა ივანიშვილი ქვეყანაში დემოკრატიისთვის საფრთხის შექმნით დარტყმას აყენებს ჩვენი ქვეყნის ევროატლანტიკურ მომავალს.

„სენატის საგარეო კომიტეტის თავმჯდომარე და სენატორი შაჰინი, რომელიც არის ძალიან დიდი ხანია საქართველოს მეგობარი და მსოფლიოში ერთ-ერთი ყველაზე გავლენიანი სენატორი, ამ გზავნილს უგზავნის საქართველოს ხელისუფლებას, ვფიქრობ, რომ ნათელია და ეს გამოხატავს ამერიკის შეერთებული შტატების პოზიციას.

ბიძინა ივანიშვილი ჩვენს ქვეყანაში დემოკრატიისთვის საფრთხის შექმნით დარტყმას აყენებს ჩვენი ქვეყნის ევროატლანტიკურ მომავალს და საფრთხეს უქმნის საქართველოს ინტეგრაციას ნატოში, აძლიერებს რუსეთის ინტერესებს რეგიონში“,  - განაცხადა სალომე სამადაშვილმა.

შეგახსენებთ, რომ კონგრესმენების შემდეგ საქართველოს პრემიერ-მინისტრ გიორგი გახარიას კრიტიკული წერილი ამერიკელმა სენატორებმა  გაუგზავნეს, რომელშიც ისინი შეშფოთებას გამოთქვამენ საქართველოში ბოლო დროს განვითარებული მოვლენების გამო, კერძოდ, საარჩევნო რეფორმის უკან წაღების, ოპოზიციის წარმომადგენლების წინააღმდეგ სამართლებრივი დევნისა და მშვიდობიანი საპროტესტო გამოსვლების ძალადობრივი გზით ჩახშობის გამო, რაც მათი განმარტებით დემოკრატიული ინსტიტუტების უკუსვლაზე მიუთითებს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს