„ზოგიერთი ფრაზა აბსოლუტურად კონტექსტიდანაა ამოგლეჯილი და სხვა რამეზეა მიმართული“, - ასე ეხმაურება ამერიკელი სენატორების კრიტიკულ წერილს პარლამენტის ვიცე-სპიკერი და საპარლამენტო უმრავლესობის ლიდერი მამუკა მდინარაძე.

მისი თქმით, წერილში აღნიშნულ თემებზე, უფრო დაზუსტებით ამერიკის შეერთებულ შტატებში დაგეგმილი ჩვენი ვიზიტის შემდეგ გახდება ცნობილი.

„ბუნებაში არ არსებობს ის რამდენიმე ფაქტი, რომელიც სამწუხაროდ საფუძვლად დაედო კრიტიკას. მაგალითად, ბიძინა ივანიშვილი არსად დამუქრებია ოპოზიციას, რომ მათ ციხეში გაუშვებს. ეს არის აბსოლუტურად კონტექსტიდან ამოგლეჯილი ფრაზა, რომელიც სხვა რამეზე იყო საერთოდ მიმართული.

უფრო დაზუსტებით ამ თემებზე, რაზეც იყო საუბარი გაირკვევა ჩვენი ვიზიტის შემდეგ, რომელიც დაგეგმილია უახლოეს დღეებში ამერიკის შეერთებულ შტატებში. ჩვენ ვფიქტობთ და იმედი გვაქვს, რომ მათი პოზიცია, ვინც დღეს კრიტიკით გამოირჩევა საქართველოს ხელისუფლების მიმართ, დაემთხვევა სახელმწიფო დეპარტამენტის ცოტა ხნის წინანდელ პოზიციას, რომელიც იყო აბსოლუტურად პოზიტიური“, - განაცხადა მამუკა მდინარაძემ.

შეგახსენებთ, რომ კონგრესმენების შემდეგ საქართველოს პრემიერ-მინისტრ გიორგი გახარიას კრიტიკული წერილი ამერიკელმა სენატორებმა  გაუგზავნეს, რომელშიც ისინი შეშფოთებას გამოთქვამენ საქართველოში ბოლო დროს განვითარებული მოვლენების გამო, კერძოდ, საარჩევნო რეფორმის უკან წაღების, ოპოზიციის წარმომადგენლების წინააღმდეგ სამართლებრივი დევნისა და მშვიდობიანი საპროტესტო გამოსვლების ძალადობრივი გზით ჩახშობის გამო, რაც მათი განმარტებით დემოკრატიული ინსტიტუტების უკუსვლაზე მიუთითებს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს