„თუ ირაკლი შოთაძის კანდიდატურა იქნება წარმოდგენილი პარლამენტში, მას ექნება უმრავლესობის მხარდაჭერა“, - ამის შესახებ პარლამენტის თავმჯდომარემ არჩილ თალაკვაძემ ჟურნალისტებს განუცხადა.

თალაკვაძის თქმით, ირაკლი შოთაძე ღირსეული ადამიანია, რომლის მთავარი პროკურორობის დროს, არა-ერთი საქმე იქნა გამოძიებული დროულად და ეფექტურად.

„მოგეხსენებათ, რომ კანდიდატურის შერჩევაზე პასუხისმგებელია საბჭო. ეს პროცესი არის გაწერილი კანონით, ჩატარდა კონკურსი და , ჩვენ პარლამენტში ველოდებით კონკურსის შედეგად წარმოდგენილ კანდიდატურას, რომელსაც შემდგომში განიხილავს და  დაამტკიცებს პარლამენტი.

ირაკლი შოთაძე, ეს არის ადამიანი, ვისი მთავარი პროკურურობის დროსაც პროკურატურამ არა ერთი საქმე გამოიძია, ეფექტურად, სწრაფად და დროულად. ვფიქრობ, ის იყო ერთ-ერთი ძალიან ეფექტური ხელმძღვანელი ამ უწყების და შემდეგაც, როდესაც ერთ-ერთი გახმაურებულ საქმესთან დაკავშირებით დაზარალებულებს, გარდაცვლილთა მშობლებს და სახელმწიფოს ჰქონდა კითხვები მასთან დაკავშირებით, მან მიიღო ღირსეული გადაწყვეტილება და აჩვენა ყველას, რომ მისთვის არის მთავარი მორალური ღირებულებები და არა თანამდებობა. სწორედ ამ  ყველაფერის გათვალისწინებით, ვფიქრობ, რომ თუ მისი კანდიდატურა იქნება წარმოდგენილი პარლამენტში, მას ექნება უმრავლესობის მხარდაჭერა“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს