„ლევან ხაბეიშვილი იცავდა ჩვენი მოქალაქეების ინტერესებს და ამს გამო, ის სასტიკად სცემეს საკუთარმა კოლეგებმა“ , -ამის შესახებ ფრაქცია „ნაციონალური მოძრაობის“ წევრმა სალომე სამადაშვილმა, საკრებულოში მომხდარი გუშინდელი ინციდენტის შეფასებისას განაცხადა.

სამადაშვილის თქმით, დღევანდელი ხელისუფლების პირობებში ძალადობის ყველა ინციდენტი დაუსჯელი დარჩა.

„ეს ძალადობის რეჟიმი არის მათ შორის ფიზიკური ძალადობა ოპოზიციის წარმომადგენლებზე, დაპატიმრება, დევნა, პოლიტიკური შევიწროება. ეს ყველაფერი მხოლოდ დააჩქარებს ბიძინა ივანიშვილის გარდაუვალ კრახს, განსაკუთრებით მაშინ, როცა ლევან ხაბეიშვილი იცავდა ჩვენი მოქალაქეების ინტერესებს და ამის გამო, ის სასტიკად სცემეს საკუთარმა კოლეგებმა.

ჩვენ ვნახეთ, რომ დაუსჯელი დარჩა ძალადობის ყველა ინციდენტი დღევანდელი ხელისუფლების პირობებში, თუმცა სიტყვიერი თავდასხმა უმრავლესობის წარმომადგენელ დეპუტატზე აღმოჩნდა, რომ თურმე, დასჯადია. ჩვენ გვახსოვს გამოუძიებელი კორცხელის ამბები, გვახსოვს მთელი რიგი სხვა ინციდენტები და სწორედ ეს არის ძალადობის რეჟიმის წახალისება. ბიძინა ივანიშვილი და დღევანდელი ხელისუფლება სულ უფრო ხშირად იქცევა, როგორც კრიმინალური დაჯგუფება და არა დემოკრატიული ქვეყნის არჩეული ხელისუფლება“, – განაცხადა სალომე სამადაშვილმა.

შეგახსენებთ, რომ გუშინ წინ თბილისის საკრებულოს სპორტის, განათლებისა და სარევიზიო კომისიის გაერთიანებულ სხდომაზე კამათი ფიზიკურ დაპირისპირებაში გადაიზარდა.ერთმანეთს „ქართული ოცნების“ დეპუტატები და „ნაციონალური მოძრაობის“ წევრი ლევან ხაბეიშვილი დაუპირისპირდნენ. ინციდენტის გამო სხდომა ჩაიშალა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს