„ზოგიერთი კონგრესის წევრი შესაძლოა სხვა პოზიციებს ან ვერსიებს აჟღერებდეს, რომელიც მოკლებული იყოს ობიექტურ მოცემულობას“, - ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა განაცხადა.

ოხანაშვილმა ხაზგასმით აღნიშნა, რომ საქართველო აშშ-ის ბიუჯეტის შესახებ კანონში ერთ-ერთ გამორჩეულ ქვეყნად ვერ მოხდებოდა, თუ ქვეყანა დემოკრატიული განვითარების გზას გადაუხვევდა.

„ჩვენი გუნდისთვის ძალიან დიდი მნიშვნელობა აქვს ჩვენს სტრატეგიულ პარტნიორ ქვეყნებთან და მათ წარმომადგენლებთან თანამშრომლობას, ძალიან ბევრი არის ჩვენი მეგობარი. ზოგიერთი კონგრესის წევრი შესაძლოა სხვა პოზიციებს ან ვერსიებს აჟღერებდეს, რომელიც უმეტეს შემთხვევაში შესაძლოა მოკლებული იყოს ობიექტურ მოცემულობას. ამ მიმართულებით საჭიროა დამატებითი მუშაობა, თუმცა ერთი რამ არის ხაზგასასმელი, რომ აშშ-ის ბიუჯეტის შესახებ კანონში ვერ მოხდებოდა საქართველო როგორც ერთ-ერთ გამორჩეული  ქვეყანა, თუ საქართველო გადაუხვევდა დემოკრატიული განვითარების გზას“, -  განაცხადა ანრი ოხანაშვილმა.

შეგახსენებთ, რომ ამერიკელმა კონგრესმენებმა, ადამ კინზინგერმა,  გერი კონოლმა, მაიკლ მაკკოლიმ და ელიოტ ენჯელმა საქართველოს პრემიერ-მინისტრ გიორგი გახარიას კრიტიკული წერილი გაუგზავნეს, რომელშიც კონგრესმენები საქართველოში პოლიტიკური მოტივით დევნისა და ეკონომიკური ვარდნის ტენდენციის გამო, შეშფოთებას გამოთქვამენ.

ავტორი: ექსპრესნიუსი,

სოციალური ქსელები

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“

2 წელიწადში პირველად, სებ-მა რეფინანსირების განაკვეთი გაზარდა - 8.25%-მდე

დიუშენის დაავადების მქონე ბავშვების მშობლებს ივანიშვილის საცხოვრებელ სახლთან აქციის გამართვის უფლება არ მიეცათ

ჟურნალისტი, ელისო ჯარიაშვილი გურამ როგავაზე თავდამსხმელის შესახებ საგამოძიებო რეპორტაჟის მომზადების შემდეგ, გამოკითხვაზე დაიბარეს