„ფაქტიურად, თბილისის მერიამ ოკუპაცია გაუკეთა პარლამენტის მიმდებარე ტერიტორიას“, - ასე ეხმაურება გარდაცვლილი თემირლან მაჩალიკაშვილის მამა მალხაზ მაჩალიკაშვილი თბილისის მერიის მიერ პარლამენტის შენობის წინ სარეაბილიტაციო სამუშაოების დაწყებას.

მაჩალიკაშვილის თქმით, ხელისუფლებას მშვიდობიანი აქციების შეწყვეტა უნდა, თუმცა პროტესტი კვლავ გაგრძელდება.

„მიხვდნენ რომ მე გუშინ ვაპირებდი აქ ბანერის დადგმას და ამიტომ, წუხელ მოვიდნენ, აიღეს ეს ატრაქციონები და ჯებირი გაუკეთეს. მე იქ ვიმყოფებოდი ღამის 4 საათამდე. ფაქტიურად, ოკუპაცია გაუკეთეს პარლამენტის მიმდებარე ტერიტორიას. ხელისუფლებას ეშინია, რადგან იციან, რომ მათი საქმე წასულია და ამიტომ ყველაფერს აკეთებენ, რომ იქ აქციები არ გაიმართოს და მშვიდობიანი პროტესტი ადამიანებმა არ გამოხატონ. უბრალოდ ერთი რამ არის მტკივნეული, მთელი მსოფლიო და მთელი ევროპა ხედავს ამათ სიმახინჯეს, მაგრამ ყველაზე ცუდია, რომ დღეს ქართველი ხალხი ამაზე თვალს ხუჭავს. პროტესტი გაგრძელდება, მე გარანტიას გაძლევთ, მე ამათ დავამთავრებ“, - განაცხადა მალხაზ მაჩალიკაშვილმა.

ცნობისთვის, დედაქალაქის მერიამ პარლამენტის შენობის წინ სარეაბილიტაციო სამუშაოები დაიწყო. როგორც დედაქალაქის მერმა კახა კალაძემ აღნიშნა, აღნიშნული ტერიტორია ძალიან მძიმე მდგომარეობაშია და მოწესრიგებას საჭიროებს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს