2020-01-08 11:26:54, 2936 ნახვა

---

ზალკალიანი უკრაინული თვითმფრინავის ჩამოვარდნაზე: ჩვენი გულწრფელი თანაგრძნობა იმ ოჯახებს, ვინც საყვარელი ადამიანები დაკარგეს

საქართველოს საგარეო საქმეთა მინისტრი დავით ზალკალიანი ირანში უკრაინული სამგზავრო თვითმფრინავის ჩამოვარდნას „ტვიტერზე“გამოეხმაურა.

მინისტრი მომხდარის შესახებ ღრმა მწუხარებას გამოთქვამს და დაღუპულთა ოჯახებს თანაგრძნობას უცხადებს.

„საქართველო ავიაკატასტროფასთან დაკავშირებით ღრმა მწუხარებას გამოთქვამს. ჩვენი გულწრფელი თანაგრძნობა იმ ოჯახებს, რომლებმაც თავიანთი საყვარელი ადამიანები ამ საშინელი ტრაგედიის შედეგად დაკარგეს“, - წერს ტვიტერზე დავით ზალკალიანი.

შეგახსენებთ, რომ უკრაინის საერთაშორისო ავიახაზების კუთვნილი ბოინგ 737-ის ტიპის თვითმფრინავი, რომელიც რეისს კიევის მიმართულებით ასრულებდა, აფრენიდან ორ წუთში ჩამოვარდა. შემთხვევის შედეგად 180-მდე პირი დაიღუპა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი