„რეგიონში ვიმყოფებოდი საწარმოების გახსნაზე, როდესაც ეს სასიხარულო ამბავი შევიტყვე, ამიტომ  არ შემეძლო აქ არ მოვსულიყავი და პირადად არ მენახა ბატონი ვაჟა გაფრინდაშვილი. მსურს სრულიად საქართველოს  მივულოცო მისი გათავისუფლება" - ამის შესახებ ნათია თურნავამ უკანონო პატიმრობიდან დღეს გათავისუფლებული ქართველი ექიმის, ვაჟა გაფრინდაშვილის გორში მონახულების შემდეგ ჟურნალისტებთან განაცხადა.

„მისი დატყვევების პირველივე დღიდან ჩვენი ხელისუფლება, საერთაშორისო პარტნიორებთან ერთად, ყველაფერს ვაკეთებდით, რომ ეს დღე მალე დამდგარიყო. მიუხედავად სირთულეებისა, დიდი ძალისხმევა იქნა გაწეული, რაც, საბოლოო ჯამში, დაგვირგვინდა წარმატებით. ეს არის საუკეთესო პასუხი ზოგიერთი პოლიტიკურად ანგაჟირებული ადამიანისთვის, რომელიც უმოქმედობაში ადანაშაულებდა ხელისუფლებას. შედეგი სახეზეა - ბატონი ვაჟა თავისუფალია და ის ახალ წელს შეხვდება ოჯახთან ერთად" - აღნიშნა ეკონომიკისა და მდგრადი განვითარების მინისტრმა.

ნათია თურნავას თქმით, პროცესი, რა თქმა უნდა იყო რთული, როდესაც საქმე გვაქვს საოკუპაციო რეჟიმთან, მაგრამ ეს სირთულეები წარმატებით გვაქვს გადალახული. „მნიშვნელოვანი იყო ჩვენი უცხოელი პარტნიორების, საერთაშორისო ორგანიზაციების მხარდაჭერა - ყველა გვერდით დაგვიდგა,  თუმცა ასევე მინდა ვთქვა, რომ ძალიან კოორდინირებულად და ეფექტიანად იმუშავა ხელისუფლებამ და ყველაფერი გაკეთდა ისე, რომ საქართველოს მოსახლეობის ინტერესები იყო დაცული" - განაცხადა მინისტრმა

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს