„ჩვენ ძალიან კარგად გვესმის, რომ ეს არ არის დავალიანების საკითხი, ეს მედიების მოხრჩობის გზაა, მათ შორის „კავკასიის“ “, - ასე ეხმაურება „ევროპული საქართველოს“ წევრი ელენე ხოშტარია ტელევიზიების ანგარიშებზე დადებულ ინკასოს.

მისი თქმით, ხელისუფლების ქმედებები სულ უფრო და უფრო იძენს პუტინისტურ ხასიათს.

„ეს საერთო პრობლემის ერთ-ერთი გამოვლინება არის, რაშიც ახალი არაფერია. თუმცა, სულ უფრო და უფრო იძენს პუტინისტურ ხასიათს ამ ხელისუფლების ქმედებები. ზუსტად აგვისტო და ახალი წლის წინა პერიოდი არის ხოლმე, როდესაც პუტინი დიდ გადაწყვეტილებებს იღებს, რადგან გონია, რომ ეს გაუვა ამ პერიოდში. წარმოუდგენელია და ჩვენ ძალიან კარგად გვესმის, რომ ეს არ არის ფინანსური საკითხი, ეს არ არის დავალიანების საკითხი. ეს არის მედიების მოხრჩობის გზა, მათ შორის „კავკასიის“. ამიტომ ეს იყო ძალიან სწრაფი რეაქცია, რაც ჩვენ გვქონდა სოლიდარობის. ჩვენ აუცილებლად ვიბრძოლებთ „კავკასიასთან“ ერთად იმისთვის, რომ ეს ტელეარხი არ დაიხუროს. იგივე პრობლემა აქვს „ტვ პირველსაც“, რაშიც სრულიად სოლიდარულები ვართ და აუცილებლად ვიქნებით მათ გვერდით“, - განაცხადა ელენე ხოშტარიამ.

შეგახსენებთ, რომ გუშინ ტელეკომპანიების: „რუსთავი 2“, „ტვ პირველი“ და „კავკასია“ ანგარიშებს ინსკასო დაედო.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს