„შეუძლებელია, შევაფასოთ პატრიარქის ღვაწლი ქვეყნის წინაშე, მისი ღვაწლი ეკლესიების მშენებლობაში, საგანმანათლებლო მიმართულებით და ქვეყანაში სიმშვიდისა და მშვიდობის შენარჩუნების საქმეში“, - ამის შესახებ პრემიერ-მინისტრმა გიორგი გახარიამ სვეტიცხოვლის საკათედრო ტაძარში განაცხადა, სადაც კათოლიკოს-პატრიარქის, ილია მეორის აღსაყდრებიდან 42 წლისთავთან დაკავშირებული საზეიმო წირვა ჩატარდა.

პრემიერმა კათოლიკოს-პატრიარქს საიუბილეო თარიღი მიულოცა და ჯანმრთელობა უსურვა.

„დღეს საქართველო და სრულიად მართლმადიდებლური სამყარო აღნიშნავს ჩვენი პატრიარქის, ჩვენი უწმინდესის აღსაყდრების 42-ე წელს. 42 წლის წინ, როდესაც სვეტიცხოველში მოხდა პატრიარქის ინტრონიზაცია, მას შემდგომ ყველა წელი იყო უმძიმესი და მისი უწმინდესობის მწყემსობით ქვეყანა მოვიდა დღემდე გამარჯვებული. ჩვენ შეუძლებელია, გადავაფასოთ პატრიარქის ღვაწლი ქვეყნის წინაშე, შეუძლებელია, შევაფასოთ მისი ღვაწლი ეკლესიების მშენებლობაში, საგანმანათლებლო მიმართულებით და შეუძლებელია, შევაფასოთ მისი ღვაწლი ქვეყანაში სიმშვიდის და მშვიდობის შენარჩუნების საქმეში. პატრიარქი არის ჩვენი მწყემსი და რა თქმა უნდა, საქართველოს მთავრობის სახელით, მე ვულოცავ მას ამ დიდ დღესასწაულს, ვულოცავ სრულიად საქართველოს, მართლმადიდებელ სამყაროს, ვუსურვებ ჯანმრთელობას და ბევრი, ბევრი ხანი, კიდევ ბევრი წელი მწყემსოს ჩვენი საქართველო“, - განაცხადა გიორგი გახარიამ.

ცნობისთვის, პრემიერი საზეიმო წირვას „ქართული ოცნების” თავმჯდომარე ბიძინა ივანიშვილთან და პარლამენტის თავმჯდომარე არჩილ თალაკვაძესთან ერთად დაესწრო.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს